Папулярныя біблейскія вершы з ВЫСЛОЎІ 15

Падзяліцца

Лагодны адказ злагоджвае гнеў, а слова абразьлівае будзіць лютасьць.

Страх Гасподні вучыць мудрасьці, і славе папярэднічае пакора.

Лагодны язык - дрэва жыцьця, а неўтаймаваны - хвароба духу.

Бяз рады задумы разладзяцца, а пры мностве радцаў яны спраўдзяцца.

Вясёлае сэрца разьвесяляе твар, а пры сардэчным смутку дух маркоціцца.

Усюды вочы Гасподнія: яны бачаць ліхіх і добрых.

Лепей мець мала ў страху Гасподнім, чым вялікі скарб, і зь ім трывогу.

Запальчывы чалавек абуджае разлад, а цярплівы суцішае свару.

Сэрца праведнага абдумвае адказ, а вусны бязбожных вырыгаюць благое.