Папулярныя біблейскія вершы з Yõwánĩ 17

Падзяліцца

Tátá, ní êdê gólĩyî njãâ tã pạ̃tı̣́ı̣̃ áníkâ sĩ, gólĩyî drí rĩzó tã áníkâ ndrĩ ꞌẽlé dódó. Ní rî tã pạ̃tı̣́ı̣̃ âꞌdálé gólĩyî drí tã îmbâ áníkâ sĩ.

Gõꞌdá má âꞌdô lédrẽ-lédrẽ ạ̃dũkũ ãkó rî fẽꞌá gólĩyî drí, õzõ gólĩyî õlẽ tã trá kĩ, nî ãꞌdô ĩꞌdî Ôvârí ãlô tíbê ꞌbã ꞌbá Ôvârí pạ̃tı̣́-pạ̃tı̣̃ ró rî, gõꞌdá gólĩyî õlẽ tã kpá trá kĩ, ní âjô mâ Yésũ nĩ ânĩlí ãngó nõ ꞌá õjílã pãlé rî.

“Tátá, má rî ánî îjílí lãjóꞌbá ámákâ nõ ꞌbá yî tãsĩ. Gõꞌdá má îjî nî kpá õjílã gólĩyî ꞌẽ ꞌbá tã lẽlé má ꞌá tã pẽpẽ gólĩyíkâ sĩ rî yî tãsĩ. Tátá, ní fẽ mbârâkã gólĩyî drí, tãlâ tã ı̣̂sũ gólĩyíkâ ãꞌdô ró bê ãlô, nyé õzõ tã ı̣̂sũ ãmákâ drí ꞌbãrẽ ní bê ãlô rî kâtí. Ní pâ gólĩyî, gólĩyî õrî ró bê ngá ãlô ró ãmá bê, tãlâ õjílã gólĩyî ãngó nõ ꞌá nõ ũnı̣̃ ró ĩyî bê kĩ, pạ̃tı̣́-pạ̃tı̣̃ ní âjô mâ nĩ.

Tátá, ní fẽ mbârâkã gólĩyî drí rĩzó tã áníkâ ꞌẽlé ãngó nõ ꞌá. Má rî ánî îjílí nõ, ní lôkî ró gólĩyî bê, õzõ gólĩyî õtírĩ rĩî õjílã ãngó nõ ꞌá nõ ꞌbá yî lãfálé rî. Ní pâ gólĩyî, tãlâ Sãtánã õzó gólĩyî âdó kô.

Má âꞌdâ tã áníkâ rî ꞌbá yî trá ndrĩ gólĩyî drí, õzõ ní drí âꞌdárẽ lâ trá má drí rî kâtí. Má lẽ gólĩyî õrî ró ngá ãlô ró ĩyî lãfálé ꞌásĩ, nyé õzõ ãmâ drí rĩrĩ ngá ãlô ró ní bê rî kâtí. Gõꞌdá õzõ ãmâ drí ꞌbãrẽ ní bê ãlô rî kâtí rî, má lẽ gólĩyî drí ꞌbãlé kpá kpãkã ãlô má bê. Ãꞌdô bê ĩtí rî, õjílã ãngó nõ ꞌá rî ꞌbá yî âꞌdô nı̣̃ꞌá lâ kĩ, ní âjô mâ nĩ, gõꞌdá ní lẽ õjílã ãmákâ ꞌdĩ ꞌbá yî rõô, nyé õzõ ní drí ámâ lẽrẽ rõô rî kâtí.