Папулярныя біблейскія вершы з Yõwánĩ 8

Падзяліцца

Gõꞌdá nĩngá sĩ, Yésũ drí îtõzó kpá óꞌdí õjílã õꞌbí ꞌdĩ ꞌbá yî îmbálé. Gólâ kĩ, “Mâ ĩꞌdî Ngá îꞌĩ ꞌî õjílã ndrĩ ãngó nõ kâ rî ꞌbá yî drí. Õjílã gólâ tã lẽ ꞌbá má ꞌá rî, gólâ âꞌdô lậmúꞌá ngá îꞌĩ ꞌásĩ. Gõꞌdá gólâ lậmú ı̣́nı̣́rı̣́kúwạ́ ꞌásĩ kô. Ĩtí rî, ngá îꞌĩ má drí ꞌẽꞌá fẽlâ õjílã rî ꞌdĩ drí rî âꞌdô lédrẽ-lédrẽ ạ̃dũkũ ãkó rî fẽꞌá gólâ drí.”

Gõꞌdá nĩ âꞌdô úlı̣́ Ôvârí kâ ꞌdĩ ífí lâ nı̣̃ꞌá. Õzõ nĩ ũnı̣̃ úlı̣́ rî ꞌdĩ ífí lâ trá rî, úlı̣́ rî ꞌdĩ âꞌdô ãnî înjíꞌá lâŋõ tã õnjí ãníkâ rî kâ ꞌásĩ. Nĩ âꞌdó gõꞌdá rạ̃gı̣́ı̣̃ tã õnjí kâ ró kô.”

Nĩngá sĩ, Yésũ drí ngãzó tã âtálé õjílã gólĩyî tã lẽ ꞌbá trá yí ꞌá ꞌdĩ ꞌbá yî drí kĩ, “Má âtâ ãnî drí pạ̃tı̣́-pạ̃tı̣̃ ró, úlı̣́ Ôvârí kâ má drí rĩꞌá îmbálâ ãnî drí nõ, õzõ nĩ ũnjû trá rú lâ rî, nĩ âꞌdô ꞌbãꞌá pạ̃tı̣́ı̣̃ tã ârí ꞌbá ámákâ ró.

Ĩtí rî, mâ rî gógó Ôvârí rî mvá ró rî, õzõ má ĩînjî ãnî trá tã õnjí ãníkâ ꞌásĩ rî, pạ̃tı̣́ı̣̃ ró, áâꞌdô ãnî ꞌbãꞌá drı̣̃-bạ́lạ́yı̣̂ ró rạ̃gı̣̃ tã õnjí kâ ꞌdĩ ꞌásĩ.”

Gõꞌdá Pạ̃rúsı̣̃ yî lãꞌbí îmbá ꞌbá ꞌdĩ ꞌbá yí bê, drílĩyî rĩzó Yésũ rî îjílí kpá óꞌdí, tãlâ gólâ ãâꞌdâ ró bê tã ı̣̂sũ íyíkâ tã õkó ꞌdĩ kâ tãsĩ rî. Gõꞌdá nĩngá sĩ rî, Yésũ drí ngãzó âdrélé ûrû íyî ãcê vó ꞌásĩ tã âtálé gólĩyî drí kĩ, “Õzõ õjílã ãzâ ãꞌdô bê ãlô ãnî lãfálé sĩ íyî ndrẽ ꞌbá trá kĩ yí ãâꞌdô tã õnjí ãkó rî, ꞌdõvó gólâ õtrõ kúnı̣́ mvá nĩ õkó ꞌdĩ vũzó sı̣́sı̣́.”

Gõꞌdá Yésũ drí tã-drı̣̃ lôgõzó gólĩyî drí kĩ, “Má âtâ tã ãnî drí, õjílã gólâ tíbê rĩ ꞌbá zãâ tã õnjí ꞌẽlé rî, gólâ rĩꞌá rạ̃gı̣́ı̣̃ tã õnjí kâ ꞌî.

Gõꞌdá õjílã gólĩyî õkó ꞌdĩ âjí ꞌbá ꞌdĩ ꞌbá yî lậꞌbû ĩyî bê ndrĩ rî, Yésũ drí gõzó ngãlé ûrû tã îjílí õkó ꞌdĩ tı̣́ kĩ, “Õjílã ꞌẽ ꞌbá ĩyî ánî fũlı̣́ nõ ꞌbá yî ángô lé yã? Õjílã ãlô lâkí ꞌbá gólĩyî lãfálé ꞌásĩ lâŋõ fẽ ꞌbá ní drí rî bê yã?” Õkó ꞌdĩ drí tã lôgõzó Yésũ drí kĩ, “ꞌÉꞌẽ lı̣̃fı̣́ îmbá ꞌbá, õjílã ãzâ ãlô lâŋõ fẽ ꞌbá má drí rî yûꞌdạ́wạ́.” Gõꞌdá Yésũ drí tã âtázó õkó ꞌdĩ drí kĩ, “Ãꞌdô bê trá ĩtí rî, má âyê nî trá tã õnjí áníkâ ꞌásĩ. Ní nĩ, gõꞌdá ní ꞌê tã õnjí ꞌdĩ kpá kô óꞌdí.”