Папулярныя біблейскія вершы з Luka 6

Падзяліцца

Enchooi pee eishori intae; aaisho emborei sidai narujakino, neiposhakino, o metadooi nepiki ilbenia too lgooitie linyi; amu ore ake ina nitemakinyenye lkulikae naa ninye ake etemakinyeki sii ninche intae.”

Eitadou oltung'ani supat isupati naaitung'uaa olchumati supat otii oltau lenye, neitadou oltung'ani torrono ntorrok naaitung'uaa olchumati torrono otii oltau lenye, amu inaabore oltau lo ltung'ani eiro te nkutuk enye.

Kake ore intae, entonyor ilmang'ati linyi niaasiasa isupati; enchooi te sile misiligugu toki naitu; naa itumutumu enkishorunoto kitok; niaakuku nkera o lotii Shumata Aisul te pooki, amu ore ninye eing'urrie ilarruok o lemeeta enashe.

Enoto olng'ur anaa Papa linyi oata ong'ur.

“Minguanare pee mikinguanareki; minor pee mikinorri, entapalaki pee epalakini intae.

“Kake ajoki intae kulo laaning'ito entonyor ilmang'ati linyi; entaasa isupati ilooiba intae; entamayian iloodek intae; ore iloosukeny intae neinyial, entoomonoki.

Intaasa ilkulikae tung'ana anaa eniyieu nikintaas ninche iyie.

Ore pee kiosh oltung'ani eseder nyaaki inchoo sii enkae; ore pee eya oltung'ani engoti ino; inchoo sii enchati meewa. Inchoo pooki likiomon; ore pee eya oltung'ani enino, mimpotu aoru.

“Amu meetae olchani sidai oiu lng'anayio torrok; aashu olchani torrono oiu lng'anayio sidain

amu eyiolouni ake olchani too lng'anayio lenyena. Amu metumieki olaimurunyai ilng'abolo, nemetumieki isabibu intulele.