Папулярныя біблейскія вершы з Zan 10

Падзяліцца

꞊Kwaanmɛ ‑zë ‑yö ‑nu kö 'ö ꞊kwaan ꞊në‑ bho kö 'ö ‑tuʋ̈ ‑nu zë ‑nu wo kö 'ö‑ ‑nu 'gü see‑, "kɛɛ ma ‑zë a ‑nu kö 'a‑ ‑nu ‑maa ꞊në‑ kë kö ꞊sii ‑yö kë‑ ‑nu ‑dhɛ kö ‑wo ‑ya ‑a "yi ꞊bhaa.

Ma ꞊në 'a ‑tuʋ̈ ‑maakëmɛ ꞊dede 'ö ‑tuʋ̈mɛ 'ka ‑a 'ka. ‑A ‑gɛn ‑mü ꞊dhɛ "bhlaa ‑tuʋ̈ ‑maakëmɛ ꞊dede ꞊në ꞊mɔɔ‑ ‑bha 'ö ö ‑bha ‑tosɛa ꞊gbaɔ ö ‑bha ‑tuʋ̈ ‑nu ‑wɔn 'gü

‑A pö 'a‑ wo "dhʋ̈ bha‑ ‑gɛn ‑mü ꞊dhɛ ma ‑tuʋ̈ kpö 'gü ‑mɛ ‑nu ‑zë ‑wo wo "tʋ ‑to n ‑wʋ ‑bha, 'ö 'a‑ ‑nu dɔ, 'ö 'wo ‑ziö n ꞊keng‑ 'pö

'yö 'a ꞊sii 'ö 'yaa yën‑ ‑da ‑nu 'gü. ‑A ‑wɔn 'gü 'wii 'dho ga tongtongdhö, 'yö pë 'bha ‑pë 'bha ‑kɔ 'yii 'dho ꞊mɔɔ‑ ‑bha 'pö kö ‑ya ‑nu bho n ꞊kwɛɛ‑.

Ma ꞊në 'a ꞊dhɛ ‑tuʋ̈ wlɛɛ "dhi 'dhö. 'Mɛ 'ö bɔ n ‑ta 'ö ‑da wlɛɛ 'gü, ‑yö ‑dho dha, ‑yö ‑dho ꞊mɔɔ‑ ‑bha 'ö ‑da 'kɔɔdhö 'ö zun "kpɛnng, (‑a ‑gɛn ‑mü ꞊dhɛ kö ‑yö ꞊dhɛ mɛ 'dhö mɛ ‑dɩ ‑gɔ 'kɔɔdhö). ꞊Ya 'go mü 'zü ‑yö ‑dho ö ‑bhöpë ꞊slɔɔ.

A ma ‑tuʋ̈ ‑nu ‑dɔ, woo ‑dɩ 'pö 'wo n dɔ.

‑A ‑gɛn ‑mü ꞊dhɛ n Dë 'ö‑ ‑nu nu n ‑dhɛ bha‑ 'gü ‑yö "gbɩɩ‑ 'ö ‑ziö pë ꞊gban "pɛpɛ ‑ta. 'Wɔn 'ö‑ ‑wɔn 'gü 'yö mɛ 'bha ‑kɔ 'yaa ꞊mɔɔ‑ ‑bha 'pö kö ‑ya ‑nu 'sü n Dë ‑gɔ bha 'yö bha. 'Sa yaa‑ n Dë ‑zë yi do.»

꞊Dhɛ ‑kɔ 'ö n Dë ‑yö n dɔ‑ 'ka 'ö mang ‑dɩ 'pö 'a‑ dɔ‑ bha‑ 'dhö. Yö ꞊në‑ ‑wɔn 'gü 'yö 'a ma ‑tosɛa nu ma ‑tuʋ̈ ‑nu ‑wɔn 'gü.

Mɛ 'bha ‑kɔ 'yii ziö n ‑gɔ, a‑ ‑nu n ‑dɩ ꞊nii ꞊në‑ ‑bha. ‑A ‑gɛn ‑mü ꞊dhɛ ‑a nu "sɩ ‑yö n ‑dhɛ, ‑a 'sü "sɩ ‑yö n ‑dhɛ. 'Wɔn 'ö n Dë ‑ya ‑ya n ꞊kwɛɛ‑ kö 'a‑ kë 'yö bha.»

'Yö‑ 'klɔɔ‑ pö 'zü‑ ‑nu ‑dhɛ ‑deewo 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: Ma ꞊në 'a ꞊dhɛ ‑tuʋ̈ wlɛɛ "dhiʋ̈ "kwɛɛ ‑yaan 'dhö

"kɛɛ 'mɛ 'kö yö ‑zë 'wo‑ ꞊saa ꞊në‑ bho, 'ö 'yaa ‑tuʋ̈mɛ 'ka, "ɛɛn 'ö 'yaa ‑tuʋ̈ ‑maakëmɛ ‑së 'ka, ꞊ya laa yö kö ‑yö nu sië ‑tuʋ̈ 'kun ‑dhɛ 'gü, ‑yö ö kwaa‑ ꞊në‑ wo‑ ‑nu zü 'ö ‑ziö ‑bɛang 'ka, 'yö laa ‑ya nu zë, 'yö‑ ‑nu ‑pɛn 'yö 'wo dɔ 'do 'do.

'Yö Yesu ‑yö "gwënng do ‑da ‑a ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ mɛ "ʋʋ mɛ 'ö 'yii bɔ "bhlaa wlɛɛ "dhi 'ka kö ‑yö ‑da 'gü, "kɛɛ 'ö bɔ zian "wɛɛ 'ka, kö 'mɛ bha ꞊kwaanmɛ "ɛɛn pëgüseemɛ ‑mü.