Папулярныя біблейскія вершы з Luka 17

Падзяліцца

Pǝlǝa ne wi ama, “Lo o, guliarǝu mo amsǝno.”

Ko ɓǝ̀ pakko cauɓikea kusǝ tongno-nong-ɓari aɓa pwari mǝ'mwashati, sǝ nyar kusǝ tongno-nong-ɓari abano yi pwanmbo nzali ka, twali wi banì.

Lang ɓwa mwashat aɓalǝia sǝni rǝì malǝna ka, kara soaɓunu nyare aban yiu, loasǝ gi, kǝ ɓwangsǝki Ɓakuli. Yi kpa a ɓadǝm Yesu aban pakki wi yàwá. Sǝ yì ka, ɓwa Samariya na.

Ace mani ka wu tsǝk kir wun. Ɓǝ̀ mǝ'eambǝo pakko cauɓikea ka, gimbi, sǝ ɓǝ̀ vwaki bui arǝ cauɓikea male pwanzali ka, twali wi banì.

Yesu ɗiban ama, “Aɓwana lum mbo sǝ à twalia wia ban dakali? Aman tongno-nong-ine ka à nda malea aya là?

Mǝtalabangŋo pea wia eare ama: Ko ɓǝ̀ guliarǝu ma'wun kyauwe kǝla mǝsǝ musta ka, wu nǝ̀ gandǝ banggi nggea nggun mǝnia ka ama, “U, kya kpa aɓa nggeamur!” Sǝ yì ka, nǝ̀ kpata cau ma'wun.

Ɓwa mǝnana kǝ earce nǝ̀ amsǝ yilǝmi ka nǝ̀ turte. Sǝ ɓwa mǝnana kǝ turta yilǝmi ka nǝ̀ amsǝi.

Yesu ne alaggana male ama: Agir mǝnana à nǝ̀ tsǝk aɓwana à nǝ̀ kpa aɓa cauɓikea ka dumǝna púp à nǝ̀ yiu. Sǝa ma caukwanban nǝ́ ɓwa mǝnana amǝnia yì agir à pur nǝ bani ka. Ɓǝ̀ ɓwa nǝ̀ tsǝk mwashat ata amǝnia yì amuna ɓǝ̀ pak cauɓikea ka, kǝpǝna ɓǝa ɗurri ɓwe taligo a meali sǝ ɓǝa ramte aɓa nggeamur.

Kǝla mǝnana kumban a nza mala Nuhu ka, anggo sǝ nǝ̀ pa aɓalǝ anonggeo mǝnana Muna Mala Ɓwa nǝ̀ nyare nǝ̀ yiu nǝi ka. Ɓwapǝndǝa kǝ lili, kǝ nu, à kǝ al rǝarǝia, à kǝ isǝ amunia ba pwari mǝnana Nuhu kuti nǝi a nggea-waru ka. Pǝlǝa mùrgula yiu yi twal tea kat.