Папулярныя біблейскія вершы з Mt 6

Падзяліцца

Tarigan hm dzëṅ edzoe Zamba ai sosoo woe, eyòṅ te e mam mësë ma mayi sò baaban a yob.

Të miasaṅan asu amos ya okidi, amu amos ya okidi wayi saṅan ai oben. Amos osë obëlë ndzug woe.

Asu te madzo ai mina na, të miasaṅan asu enyiṅ dzaan ai e dzom miayi di ngë anyu, ngë ki asu nyòl dzaan na dze miayi bòd. Enyiṅ yalod bidi a? Nyòl yalod mbòd a?

Mfa woe, eyòṅ wakogëlan, nyiigi a etun-nda dzoe, ofèd mbè woe, okogëlan ai esoa a asoe. Ndò hm, esoa ya ayen a asoe, ayi yaan ai wa.

Na ngò hm mikogëlan: A Tara waan y'onë a yob, dzoe doe afubëgan, Ayòṅ doe azaag, ṅyian woe obòban, akyaè ya yob, nala fë a si

Vaa bia ana e bidi bian biayaṅan ai biè.

Ovaaga bia bivus bian, anë biavaè e ba bavus abë bia

Të wakë ai bia a mëbobëla, okodëge bia a mbë dzam.

Amu ngë miadzu bod bivus biaban, esoa y'a yob nyè ayi mina dzu.

Fòmbëgan anòn ya yob: Labè ki, lakoe ki bidi, lakoan ki a mëngunda, hë da esya waan ya yob atòṅ dò. Miasë mfi alodo dò a?

Të miakoan akuma a si-ndon, mfa bibibian ai miëngëlë biandaman biè, ai mfa miṅwuwub miabug, midzibi. Koan akuma a yob, mfa tò bibibian tò miëngëlë biandaman ki, miṅwuwub tègè bug na badzib. Amu e hom akuma anë wa, eyë fë nnëm onë wa ete.

Mod asësye bëti bëbè. Amu ngë abò të siṅ mbòg, adiṅi e nyò mbòg, ayi lad ai mbòg, angabyandi e nyò mbòg. Miasëki dzam sye ai Zamba ai Mamona.

Ndò hm, ngë Zamba angamana bòdò bilòg ya mëfub ya binë ana, okidi bëwoa a ndoan, ngamëna ai mina, a e bod minë tègè ai abui ṅyëbë ba?

Mfa woe, ngë wabò afaṅ, të mbo-ngala woe ayëm e dzi mbo-nnomo woe abò, asu yë na afaṅ doe akanga a asoe. Esya woe ya ayen a asoe ayi yaan ai wa.

Boan okala na të mialëdë sosoo waan a mis më bod na bëyën mina. Ngë mibò të bò okala nala, miayi ki bi maan abë esya waan y'anë a yob.

Eyòṅ miaki bidi, të miabò mëlunga anë bod miṅyene; bakad mana tsende mësu maban na bod bëyëm na baki bidi. Makad mina bëbëla na bëmbëlë ya maan maban. Mfa woe, eyòṅ waki bidi, wòbògò mbòn a nlo, osob asu doe, asu yë na të wayene a bod, hë abë esoa ya anë a asoe, na waki bidi. Esoa ya ayen a asoe ayi yaan ai wa.