Папулярныя біблейскія вершы з यॊहनस 2

Падзяліцца

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

ख़ने येसुस अदिन बाचस, “अनय आली! इदिन एंगन एन्‍देरगे तेंगालदी? अक्‍कुन एंग्‍है बेड़ा अरगी अंड़सा।”

येसुस आ जॊंख़ारिन बाचस, “कुंड़ा गुट्ठी नू अम्‍मु नीदा चि'आ।” अन्नेम जॊंख़र अबड़ा नू छलछलरना निंदर चिच्‍चर। फेन येसुस आरिन बाचस, “अक्‍कु कटिक ओथ्र'आ ती मदी ही मुद्धस गुसन हो'आ।” आर अन्नेम अदन होच्‍चर।

येसुस आनाकिर्ताचस, “ई धर्मेसी मन्दिर आबोन धंस'आ चि'आ, ऎन इदन तीन उल्‍ला नू कम'ओन चि'ओन।”

ख़ने आस ऎप ही कोर्रा कमचस ती भेंडो अरा अड्डो गुट्ठी गने उर्मिन धर्मेसी मन्दिर ही चाली ती बहरी ओथ्रस चिच्‍चस। अरा रोमी राजी ही ढिबन धर्मेसी मन्दिर ही ढिबा नू बदलना आलर ही ढिबा गुट्ठिन छिरयाचस चिच्‍चस, अरा आर ही कंडो गुट्ठिन बिड़दाचस चिच्‍चस। अरा पेरवाँ गुट्ठी बीसुरिन बाचस, “इबड़न इसले हो'आ, एम्बासी एड़पन ख़ीन्‍दू-पिटू अड्डा अमा कम'आ।”