Папулярныя біблейскія вершы з यॊहनस 4

Падзяліцца

धर्मेस बॊलतस हिकदस, औंगे नॆ आसी महबा नन्‍नर, आर गे तम्‍है बॊलता गने अरा मानी जिया ती आसी महबा नन्‍ना र'ई।”

लिकिन बेड़ा बर'आली, अरा अक्‍कुन बरचकी र'ई। मानी ती महबा ननू आलर, आ बारी तम्‍है बॊलता गने अरा मानी जिया ती धर्मे बंगासिन महबा ननोर। धर्मे बंगस एन्नेम महबा ननुरिन बेद्ददस।

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

ख़ने आ आली आसिन बाचा, “अना उर्बायो, निंग्‍है गुसन अम्मु नीदा गे एन्‍द्रा हूँ मल्‍ला, अरा तूसा हूँ ख़ोड़ख़ा र'ई, होले उज्‍जना चि'ऊ अम्मु नीन एसले ख़क्‍खोय?

आ आली येसुसिन बाचा, “ऎन अख़दन का ‘ख़्रिसतोस’ एन्ने बारना ‘मसीस’ बर'आ लगदस। आस बरदस ख़ने, एमन उर्मी कत्‍थन फरीफरी तेंगोस चि'ओस।” येसुस अदिन बाचस, “निंग्‍है गने कछनख्र'ऊ ऎन दिम आस हिकदन।”

“बरा, एंग्‍है नंजका उर्मी कत्‍थन एंगा तिंका ओर्त आलासिन ऎरा! आस मसीस र'ओस दने का?”