Папулярныя біблейскія вершы з JOHAN 10

Падзяліцца

Guta zaw, gu ding leh that ding leh hihse ding lou in ahong pai kei; kei ka hihleh hinna aneihna ding ua, tampitak aneihna ding ua hong pai ka hi.

“Kei belamchingpa hoih ka hi; belamchingpa hoih in abelamte a ding in ahinna apia hi.

Ka belamte'n ka aw aza uh, ke'n leng amaute ka thei a, amau ahon zui uhi.

Akiang uah tangtawn hinna ka pia; tangtawn in amangthang himhim kei ding ua, kuamah in ka khut a kipan hon sut sam kei ding hi.

Kei kongkhak ka hi; keimah a mi alutleh, humbit in a-om ding a, alut in apawt dia, nek ding leng amu ding hi.

Kei zaw belamchingpa hoih ka hi.

Amau hon pepa ka Pa, mi tengteng sang a thupizaw ahi; kuamah in Pa khut a kipan asut thei kei ding hi. Kei leh Pa lah pum khat ka hi uh,” chi in adawng hi.

Pa in ahon theih bang in ke'n leng Pa ka thei hi, huan belamte a ding in ka hinna ka pia hi.

Kuamah in hon laksak kei ding, keimah thuthu in ka pe zaw ding hi. Pe thei ka hi a, la nawn thei leng ka hi. Hiai thupiak ka Pa a pan ka muh ahi,” achi hi.

Huchi in Jesu'n akiang uah agen nawn a, “Chihtaktak in, chihtaktak in ka hon hilh ahi, kei belam kongkhak ka hi.

Kilohmi, belamchingpa tak hilou, belamte amah a hilou in, ngia hong pai amuh in belamte ataisan a; huan ngia in amau akei a, huchi in belamte ahihdalh hi.

“Chihtaktak in, chihtaktak in ka hon hilh ahi, kuapeuh belam huang kongkhak a lut lou a, lampi dang a kahlutmi guta leh suamhat ahi.