Папулярныя біблейскія вершы з Yoona 14

Падзяліцца

“N nang nyin swat nyinyang; swat nyinyang nung huhwa nang n nwuak nyin. N nwuat nyin huu nang swanta hu nnwuat a̱ni bah. Mat a̱nia, nyi yok byia̱ a̱ka̱tuk a̱fi̱fa, ku nyi bu fa̱k a̱wun bah.

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

“Nfwuo nyin na na̱ yok byian bah. Nyi nwuak fwuo da̱ A̱gwaza. A̱wot nyi bu nwuak fwuo da̱ nung.

A̱wot A̱tyu Beang wu, nggu wa yet A̱za̱za̱rak Ntswa nang A̱tyia̱ wu na ta̱m ndyo da̱ a̱kwonu nung a̱ni; nggu wa na tyiet nyin kuzang kyang. A̱wot a̱ bu jhyung nyin a̱mgba̱m kuzang kyang nang n ka̱n hyia̱ ma̱ng a̱nyin a̱ni.

“Konyan wa lyen doká nung ji, a̱wot a̱ si̱ khwi nji a̱ni, nggu wa yet a̱tyu a̱ chat nung a̱ni. A̱tyu a̱ chat nung a̱ni; nggu wa nang A̱tyia̱ nung wu ma na chat. Nung, mameang, n na chat gu, a̱wot n tyai a̱pyia̱ nung kpa̱sai da̱ a̱vwuo nggu.”

Nung mameang, n na naai da̱ a̱vwuo A̱tyia̱. Nggu meang, a̱ na ta̱m ma̱ng nyin a̱tyu a̱ na beang nyin a̱ni; gu shya̱ dundung ma̱ng a̱nyin ba̱ng si̱ nat sang sangba̱p. Nggu wa yet a̱chuchuk A̱za̱za̱rak Ntswa wu, nang á̱niet mi̱ swanta ba lak san hu a̱ni. Mat ba̱ si̱ mi̱n ndi nggu bah. Da̱ mba, ba̱ si̱ mi̱n dyen gu bah. A̱wot nyin, nyi lyen nggu, mat a̱ swan dundung ma̱ng a̱nyin, a̱ si̱ bu shya̱ mi̱ nfwuo nyin na.

A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka. Kuzang kyang nang nyi naai mami a̱lyoot nung a̱ni, n na nyia̱ nyin ndyo.”

“Ka̱nang nyi chat nung, ku myim nyi khwi doká nung ji.

Mat Mali A̱tyia̱ nung ka, a̱vwuo nswat nshya̱ ma̱ a̱di̱di̱t. Ka̱ á̱ wa nyia̱ da̱ a̱nia wa bah, si̱ n na ntak ma̱ng a̱nyin. N na nat n si̱ njhyi nyin a̱vwuo nswat.

Ka̱ n nat n si̱si̱ njhyi nyin a̱vwuo nswat ka, n na mbwuok mbai n ba̱ kyiak nyin nat ndyo da̱ a̱vwuo nung ka. Da̱nian nyin mameang, nyi ka swan dundung ma̱ng a̱nung da̱ a̱vwuo nang n shya̱ a̱ni.

A̱jawa Toma si̱ nyia̱ ma̱ng Yesu a̱ni, “Nwan A̱tyoli, zi̱ lyen a̱vwuo ka nang a naat a̱ni bah. Zi̱ na nyia̱ ni wa zi̱ ndyen vak hu?”