Папулярныя біблейскія вершы з བཀོད་པ། 3

Падзяліцца

དེ་ནས་བུད་མེད་ཀྱིས་ལྗོན་ཤིང་དེའི་ཤིང་ཏོག་ནི་ཁ་ལ་ཞིམ་ཞིང་ལྟ་ན་སྡུག་པ༌དང༌། མཁས་པར་འགྱུར་ཆེད་ཡིད་དུ་འོང་བ་མཐོང་ནས། ཤིང་ཏོག་བཏོགས་ནས་ཟོས་ཤིང་རང་གི་ཁྱོ་ག་ལའང་སྤྲད་པ་དང་དེས་ཀྱང་ཟོས༌སོ།།

དེ་ཡང་དཀོན་མཆོག་ཡ་ཝཱེས་མཛད་པའི་སྦྲུལ་ནི་ས་སྟེང་གི་སེམས་ཅན་ཐམས་ཅད་ལས་ཆེས་གཡོ་སྒྱུ་ཆེ་བ་ཞིག་ཡིན༌པས། སྦྲུལ་གྱིས་བུད་མེད་དེ་ལ་འདི་ལྟར་དྲིས༌པ། དཀོན་མཆོག་གིས་ལྡུམ་ར་ནང་གི་ལྗོན་ཤིང་ཐམས་ཅད་ཀྱི་ཤིང་ཏོག་བཟའ་མི་རུང་ཞེས་དངོས་གནས་བཀའ་གནང་ངམ་ཞེས་པ༌ལ།

བདག་གིས་ཁྱོད་དང་བུད་མེད་གཉིས༌དང༌། ཁྱོད་དང་བུད་མེད་གཉིས་ཀྱི་བུ་རྒྱུད་བར་ཕན་ཚུན་དགྲ་ཟླར་ལངས་པ༌དང༌། བུད་མེད་ཀྱི་བུ་རྒྱུད་དེས་ཁྱོད་ཀྱི་མགོ་བོ་རྨ་བར་བྱེད་པ༌དང༌། ཁྱོད་ཀྱིས་ཁོང་གི་རྐང་པའི་ཕྱི་རྟིང་རྨ་བར་བྱེད་ཅེས་གསུངས་པ༌དང༌།

ཡང་ཁོང་གིས་བུད་མེད་ལ་འདི་སྐད༌དུ། བདག་གིས་ཁྱོད་ལ་མངལ་སྦྲུམ་པའི་སྡུག་བསྔལ་ཆེ་རུ་བསྐྱེད༌དེ། ཕྲུ་གུ་བཙའ་དུས་ཟུག་གཟེར་ཆེན་པོ་འབྱུང་བར་འགྱུར་ངེས༌སོ། །ཁྱོད་ནི་ཁྱོ་གར་ཞེན་ཅིང་ཆགས་པ༌དང༌། ཁྱོ་གས་ཁྱོད་ལ་དབང་བྱེད་པར་འགྱུར་ཞེས་གསུངས༌སོ།།

ཁྱོད་ཀྱིས་རང་ཉིད་ས་ལ་འཐིམ་པའི་བར་དུ་རྔུལ་ཆུ་མང་པོ་བཏོན་ན་ད་གཟོད་ལྟོ་བ་འགྲང་བར་འགྱུར༌ཏེ། ཁྱོད་ནི་ས་རྡུལ་ལས་བྱུང་བ༌དང༌། ཁྱོད་ས་རྡུལ་ཡིན་པས་སླར་ཡང་ས་རྡུལ་དུ་འགྱུར་བའི་ཕྱིར་ཡིན་ཞེས་གསུངས༌སོ།།

ཡང་ཁོང་གིས་ཨ་དམ་ལ་འདི་སྐད༌དུ། ཁྱོད་ཀྱིས་བུད་མེད་ཀྱི་ངག་ལ་མཉན་པ༌དང༌། བདག་གིས་བཟའ་མི་རུང་ཞེས་སྨྲས་པའི་ལྗོན་ཤིང་དེའི་ཤིང་ཏོག་ཟོས་པའི༌ཕྱིར། ཁྱོད་ཀྱི་རྐྱེན་གྱིས་ས་སྟེང་དུ་དམོད་པ་འབྱུང༌ངོ༌། །ཁྱོད་ཀྱིས་ཇི་སྲིད་འཚོ་བའི་བར་དུ་ངལ་རྩོལ་བྱས་ན་ད་གཟོད་ས་ལས་ཁྱོད་ལ་ཁ་ཟས་འཐོབ་པར༌འགྱུར།

ཡང་ཁོང་གིས་འདི་སྐད༌དུ། ཁྱོད་ཀྱི་ལུས་གཅེར་བུ་ཡིན་པ་སུ་ཞིག་གིས་སྨྲས༌སམ། བདག་གིས་བཟའ་མི་རུང་བར་བཀའ་བསྒོས་པའི་ཤིང་ཏོག་དེ་ཟོས་སམ་ཞེས་དྲིས་པ༌ན།

ཕྱིར་བསྐྲད་པའི་རྗེས༌སུ། ཨེ་དེན་ལྡུམ་རའི་ཤར་ཕྱོགས་སུ་ཀེ་རུབ་མངགས་པ༌དང༌། ཕྱོགས་བཞིར་འཁོར་བའི་མེ་ཡི་རལ་གྲི་ཞིག་བཙུགས་པར་མཛད༌དེ། ཚེ་སྲོག་གི་ལྗོན་ཤིང་ཡོད་སར་འགྲོ་བའི་ལམ་དེ་བསྲུང་དགོས་པའི་ཕྱིར༌རོ།།

དེ་ནས་ཨ་དམ་གྱིས་རང་གི་ཆུང་མའི་མིང་ལ་ཧ་ཝཱ་ཞེས་བཏགས༌སོ། །ཅིའི་ཕྱིར་ཞེ༌ན། ཁོ་མོ་ནི་མིའི་རིགས་ཀྱི་མ་ཡུམ་ཡིན་པའི་ཕྱིར༌རོ།།