Папулярныя біблейскія вершы з Joawh 1

Падзяліцца

Gaytakisme muwakavgi. Nikwe gitkis neras ku pariye muwakavgi, atere ig ike gawaygikis adahan igkis humaw Kiyavwiye Uhokri gikamkayuvwi. Mmanawa ku samah igkis kamaxwa givitit Kiyavwiye Jesus igkis humaw Kiyavwiye Uhokri gikamkayuvwi.

Minikwak avit hawkri humaw, ner ku pariye “Uhokri giwn” ayiva ig ay kuwis. Ig kanumka “Uhokri giwn” mmanawa ignewa ekkene wotwiy Uhokri ku samah gihiyekemni. Ig ay gikak Uhokri. Ig igyewa Uhokri ig.

Hiyeg amedgenevwi inin gihiyekemnikis ke wotbe abetbe amisnavyebe. Igme uguh gihiyekemnikis adahan igkis hiyak ku pariye hiyakemniki inyewatnene. Kibeyne, ku samah amisnavye ka hiya asamanak adahan misanpih kabutniki, kawnata hiyeg gihiyekemnikis amebyemni ka hiya gimaptanka.

Kibeyne. Ig ner ku pariye “Uhokri giwn” ig wageswe hiyeg amadgaya inin. Ig ihtikekne. Ig aytwe misekwe atan ubetitwiy wixwiy amadgayavu inin. Ig ka gabayisima. Ig awna hiyakemniki ku pariye inyewatnene. Akakwa wowtyak usuh hiyap gikiytani kabutenne ay givit, nernewa Kiyavwiye Uhokri gikamkayh gikiytani.

Madikte ariknebdi ay amadga hawkri in humaw giwntak Kiyavwiye Uhokri. Wake ka ignema, yumakam ariknawnema humewnekam ay amadga inin hawkri. Dehetniki pes giwntak. Ku samah kamuw abutni uguh hawkri in keh hiyeg hiyap, hawata ig uguh gihiyekemnikis, ig keh igkis hiyak ku pariye hiyakemniki inyewatnene.

Hewke akiw ig Joawh Batista hiyap Kiyavwiye Jesus mpiya gimuniw. Ig hiyapni hene, ig awna gitkis hiyeg: — Ivegnay ner igyewatnene muwtohyan giwntekne Kiyavwiye Uhokri. Wixwiy inpawa umah muwtohyan udukwenavrikwiy adahan igkis katiwnihne udahanwiy utaraksanwiy. Igkis muwtohyan he arakaknen gidahan ner awayg. Igme igyewa katiwnih gidahankis madikte hiyeg gitaraksankisnek.

Ig misakwa ay. Ignewa keh inin hawkri humaw, heneme hiyeg amedgenevwi inin hawkri igkis mahikohe ner ku pariye gihumtenkis. Ig ayta atan amadgat inin hawkri ku pariye gidahan gikehavan, heneme igkis ku pariye gidahan gikehavan igkis ka muwakavgi.

Igme ner ku pariye igyewa kabutniki ahawkri ig uguh madikte hiyeg gihiyekemnikis. Minikwak ig Kiyavwiye Jesus danuh atan amadgat inin hawkri.

Minikwak amekene Moís ekkene Uhokri gikumadukan gitkis hiyeg. Kurime ig Kiyavwiye Jesus Cristo ig ekkene Kiyavwiye Uhokri gabay gitkis hiyeg. Ig akki gitkis ku pariye hiyakemniki inyewatnene.