1
Lomo 2:3-4
Baibolo Mbuga Huli
HUI
Í̱nibi ti bialu kadagua dege bialu howa í̱na maruhondo, Tí nakarulape birimi, lalu kego ogonidagua bialu howa í̱ Ngode Datagaliwabenaga godi lolene ngagoria howa yo pialu polebero manda bu kebe. Ngode Datagaliwabe ibugua í̱hondo baya gibiore biaga kagobi pani abale nangiaga kagobi í̱ mitangi bialu ema nabi hondo haabo kagobi í̱na urunibi heba mo yo hondo dege kebe. Ngode Datagaliwabehanda í̱hondo bayale dege biaabo halu kagoni í̱ mini beregedabelonaga ndo birabe.
Параўнаць
Даследуйце Lomo 2:3-4
2
Lomo 2:1
Wali agali marume nakarulape biragola í̱na tí nakarulape birimi larilibe. Ani lariliyagua nakarulape larili. Maruhondo tí nakarulape birimi lowa í̱nibi ti ale dege howa tigua birago ale biriligome í̱nibi ko dege ke lalu minida.
Даследуйце Lomo 2:1
3
Lomo 2:11
Irane Ngode Datagaliwabehanda wali agali bibahende ta nabihondo ogobi degedege biaga kagoni.
Даследуйце Lomo 2:11
4
Lomo 2:13
Wali agalime Mana lowini ngago hale dege haragome Ngode Datagaliwabehanda tihondo, Í̱ mini tigabiwi ke, nalaga ka. Mana ogonime bibe lo ngadagua bialu kagohondo ibugua, Í̱ mini tigabiwi ke, laga ka.
Даследуйце Lomo 2:13
5
Lomo 2:6
Ogoninaga wali agali bibahendeme biabe bialu harimadagua Ngode Datagaliwabehanda emena karulape ngulebira.
Даследуйце Lomo 2:6
6
Lomo 2:8
Wali agali marume tini hangu mitangi bialu mana tigabi erembira mialu ko bulene dege mo tene haga ka. Ani biaga karu baba Ngode Datagaliwabehanda godi lowa tihondo ibunaga keba holene walia halu pani mulebira.
Даследуйце Lomo 2:8
7
Lomo 2:5
Ani biragoni bilowa í̱ mini giambeore halu beregedolene manda nabiore haabo kegoni. Anigo Horo Mbira tagira ibirangi Ngode Datagaliwabehanda kohondo ibunaga lembo holene walia halu godi tigabi lolebira. Larangi í̱ pani timbuniore ngilonaga í̱ni bialu kegome pani hiriribiore nolene mo tago haga bialu kegoni.
Даследуйце Lomo 2:5