Папулярныя біблейскія вершы з Лука 8

Падзяліцца

Авадан ругулди алархьу тумун ударар, гебур чиппис унихьуна Аллагьдин гаф, чиппин идже дуз юркӀураъ икӀуна, ухӀа инсанар э. Сабур хъахӀела, гебурин кӀетӀу бегьера ирцӀанде.

МеркӀваригӀ гӀархьу тумун ударар, гебур Аллагьдин гаф унихьуна инсанар э; амма хаб гӀачӀугъуна, девлетарихъ, рехӀетарихъ ахъихьуна ве гебурин Ӏуьмур. Гебурин кӀетӀу бегьер ирцӀандава.

Гъванарилди алархьуна тумун ударар, гебур чиппис унихьуна Аллагьдин гаф, шатти кьабул аркьа инсанар э; амма мерӀер хъудава гебурин хъугъувелдихъ, дехӀела са вахттунисттегьен хъугьа гебур, четинвелар алчархьегуна, хаб йирхӀа.

Ӏисайи пуная ученикарис: – Нахьи чве хъугъувел? ГучӀра муьхӀталла хьуна ученикари агъай хьуная сайи сайис: – Фуш э Ме? Ми кулакисра, хьеттисра кехӀей буюрмишар аркьа, гебура Мис мутӀеӀ ве.

Рекъуьлди алархьу тумун ударар – гебур Аллагьдин гаф унихьуна инсанар э; амма хаб адина Иблис, ге гаф юркӀуралас вес аркьа гебурин, гебур хъудугъурай пуна, гебур духӀас.

Фера афттава джинабанф, ашкара девеф, фера афттава джин акьас вереф, ягӀархьуна вартталди агъдархьаф.

Ге дишагьли, гъавурдиъ архьуная учифас джинихьвас девеф. КӀакӀ архьуна гьучадина, ккерхьуна Ӏисайин лекарикк, кӀилди халкьдин удигь ахъакьуная ге дишагьли, фиттихъас кирхӀуф ичин учи Ӏисайик, фиштти гьеге сеӀетти уч сагъ хьучин. Ӏисайи пуная ге дишагьлис: – Е руш, ве хъугъувелди вун сагъ хьуне. Архайин хьуна ях.

Ученикари кегъикуна Ӏиса пуная: – МегӀелим, МегӀелим хьин луькӀея! КетӀуна, Ги къадагъа акьуная кулакисра, гуджлу хӀа лепебурисра. Фера андавай, хӀуьл сакин хьуная.