Папулярныя біблейскія вершы з MATEO 21

Падзяліцца

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

Te machꞌatik nailajemik baele sok te machꞌatik patilajemike la yawutayik: —¡Bayal slekilal! ¡Ben tsaꞌam slekil te machꞌa talem ta skuenta te Kajwaletike! ¡Bayal slekilal te chꞌul Dios te ay ta chꞌulchane! —xchiik ta yawutayel.

Y la yaltalanbe: —Jich tsꞌibabil ta Sjun Dios: “Te jnae jaꞌ snaul skꞌoponel Dios sbiil”, xchi me. Pero te jaexe sujtix awuꞌunik ta xchꞌen jꞌelekꞌetik —xyut.

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

Te Jesuse la yaltalanbe: —¿Me ma awilojuk ta Sjun Dios te jich ya yale?: “Te ton te ma tsaꞌamuk a yilik te jꞌalwaniletike, jaꞌ yipajib chikin-na a kꞌotix stukel. Jaꞌ a yakꞌ kꞌotuk ta pasel te Kajwaltike. Ben tsaꞌam slekil ya kiltik”, xchi me.

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.