Папулярныя біблейскія вершы з Matteyo 5

Падзяліцца

Obeŋ tulo itawulohi allomo, ette imuhonia ta arrany. Ati oyihak adi inyi allomo ania ihide fillili, oŋida afaŋ jio aati 'daŋ hutto tua haji. Ijiara afaŋan hatai hatafaŋa jio aati, oŋida isi igonyuni ehanita hatai hunno oyiji 'to, ette itahabuyo Monyatai ollo owon 'to idou.

“Irata itai ihuo afaŋan jio aati 'daŋ hutta fau. Obeŋ abore gala onno oduhoni ihide doŋe oremik idima.

Hotomunohi hia, hullo olibori tajia, igonyuni adi isi Hollum!

Hotomunohi hia, hulla awahi 'to bebe abisan, isio adi Hollum erre 'daŋ jihosi!

Ati eramak ni itai jio, itabuarata atajia hatai jio amiorok hatai buo fe imojoti to hia, hulle ittigemie 'to itai.

“Hotomunohi hia, hulle ilociaŋi 'to to hosiere Hollum; ara Olobie ettedou ahonosi!

Hotomunohi etumuarak waati, iloŋoi adi isi aduri Hollum!

Hotomunohi hia, hulla atarihai 'to, itilik adi Hollum atajia hosi!

Hotomunohi hia, hulle ittigemie te ehanio hosi erre hunna awak Hollum; ara Nolobie ettedou ahonosi!

Hotomunohi hia, hullo owoni 'to iko amehino jio aati hullomuk, omehino adi Hollum jihosi!

“Omunoti alla amorie aati itai, ittigemie itai, buo fe ikianai tetai erre hunno orrohoji 'to ta agesemi ta arahan hatai a huloŋ. Omunoti buo fe isahuttati; nyio, obolo adi esiorio jihatai idou. Nyio, ittigemie nyia isi ekianak Hollum hunyia berien ihuo nyia.

Hotomunohi hia, hulla anyalami 'to, ifuotuni adi isi ecoriti Hollum!

“Irata itai ihuo amile jio aati 'daŋ. Ati elle ilik amile, inyiahini adi eduarit honyi aŋai? Abeŋ inyi inyiak iyiji; tania, oruasari adi inyi addi, ette aati irrirrieyo inyi.

Oyijoto, ihuo onno oyijori Monyatai ettedou.

Elle ijiatta itai ‘Aafe’, ijiara luŋa ara Aafe; buo fe elle ijiatta itai ‘Obeŋ’, ijiara luŋa ara obeŋ. Obo ariŋ enne inyiahata itai ifunnihina, ottu nyia jio Sittan.

“Itaniŋuna nyia itai ojiori jio, ‘Alla agolotu obo onyek hoi, ogolotu buo fe ononyi; buo fe elle isiahu obo aalai hoi isiahu buo fe ononyi.’ Ati eramak ni itai jio, hènienu lia, elle ihan 'to onno orroho jihatai. Alla annaŋ obo amahalio hoi etteŋet, ijiara buo fe inyi annaŋ ebotie.

Elle iyaru onyek iŋet iyye iyyau, ogolotu inyi, ibiroi addi! Nyio, iyyak iŋotik iyye aŋati huan hoi, buo ahuan hoi 'daŋ obeŋ ibironio iferno. Buo fe elle iyaru aani iŋet hoi iyye iyyau, oŋutu inyi tub itte ibiroro addi! Nyio, iyyak iŋotik iyye aani, buo ahuan hoi 'daŋ obeŋ ibironio iferno.