Папулярныя біблейскія вершы з Yòhanɛ̀s 6

Падзяліцца

Yesù ɖo e ŋuti na wo be: “Ènyè ye nyi àgbè be ènu ɖùɖua. Àmè kè dɔ̃ va gbɔ nyèa, àdɔ̀ mu la wù ì gbèɖe ò. Àmè kè xɔ̀ ji nyè sè a, sìkɔ mu la tì ì kpɔ gbèɖe ò.

Gbɔ̃gbɔ̃ Kɔ̀kɔ̀ɛ a ye nana àgbè àmè. Àgbètɔ be ŋutilã mu teŋu wɔ̀ ènu ɖe ò. Ènyà kèwo mù gblɔ̃ na mìa ye nana Mawu be gbɔ̃gbɔ̃ kè nana àgbè a.

Mì mu gbà wɔ̀ èdɔ sɔ ji ènu ɖùɖu kè gblena ò, vɔ̀a, mì ji ekè nɔ̀nà ànyi, nana àgbè mà-vɔa, ekè *Àgbètɔ be Èvia la na mìa; ɖo e ye Mawu, Àta do jèsìdo.”

Ètɔ nyè be èjro ye nyi be, àmè ɖekpekpe àmè kè kpɔ Èvia, eye be xɔ̀ e ji sè a, ne kpɔ àgbè mà-vɔ, ne ènyè yaa, ma fɔ̃ ɛ̀ ɖo àgbè, lè àzã mlɛ̃a ji.”

Yesù ɖo e ŋuti na wo be: “Èdɔ kè Mawu le ji be mìa wɔ̀a ye nyi be mìa xɔ̀ àmè kè be dɔ̃ ɖoɖaa ji sè.”

Àmè kèwo kpata Ètɔ nyè sɔ na mùawo la va gbɔ nyè, eye nyè mu la nyà àmè kè va gbɔ nyèa ò.

Simɔ̀n Petrò ɖo e ŋuti na ɛ̀ be: “Tɔhonɔ̀, àmè kɛ gbɔ ye mi la yì ò? Gbɔ wò ye àgbè mà-vɔ be ènyàwo lè.

Ènyè ye nyi àgbè-nuɖùɖu kè ɖì so jiŋùkusi vaa. Àmè kè la ɖù ènu ɖùɖu kèa, la nɔ̀ àgbè kaka sɔ yì. Àpe ŋutilã ye nyi ènu ɖùɖu kè mù la sɔ na ne xixea ne nɔ̀ àgbè.”

Àmè ɖekpe mu teŋu va gbɔ nyè, ne Àta kè dɔ̃ mù ɖoɖaa mu dɔ̃ ɛ̀ va ò; eye mù la fɔ̃ ɛ̀ so èku lè àzã mlɛ̃a ji.

Đo, ènu ɖùɖu kè so Mawu gbɔa, ye nyi àmè kè ɖì so jiŋùkusi va nana àgbè àgbètɔwoa.”

Ènyè ye nyi ènu ɖùɖu kè nana àgbè àdodoe a.

Eye Yesù sɔ kpɔ̃nɔawo, ekè be do àkpe na Mawu vɔ̀a, e ma wo na àmèawo. E ma tɔ̀mèlãwo cã na wo nènea, eye àmè sia àmè xɔ̀ ekè be jro a. Kè wo ɖɔpò vɔ̀a, Yesù gblɔ̃ na yebe nukplaviawo be: “Mì cã ekè kpɔ̀tɔ̀a bɔ̀, ne ɖekpe mu gbà gũ ò.”

Wàlɛbɛ kè Yesù be nukplaviawo kù èhũa, sìgbè èkpeti àtɔ̃, àlo èkpeti àdɛ̃ nènea, wo kpɔ Yesù le zɔ̃ lè ètɔ̀a ji gbãnà èhũa gbɔ. Vɔ̃vɔ̃ ɖo wo, vɔ̀a Yesù gblɔ̃ na wo be: “Ènyè ye, mì mu gbà vɔ̃ ò!”