Папулярныя біблейскія вершы з Chɔ᷄ŋ 3

Падзяліцца

Mɛ̄lɛ̄ka̍ kāāla̍ wāŋndā chīe̍e̍ya̍. O̍ ko̍ŋ, mbo̍ yɔ̄ŋgū Po̍ ndɔ̄ pi᷅lɔ̍ɔ̍ kpe̍ le̍ nda̍, māā wānā o̍ wāna̍ dɔ̍ū tīīnda᷄ŋ ndɔ̄ɔ̍ o̍ Po̍ ndɔ̄ pi᷅lɔ̍ɔ̍ ho̍ō ni᷄ŋ pɛ̍, wānā ko̍ŋ ō vi᷅ lɛ̍ le̍. Yōōmū kpe̍e̍kpe̍i̍yo̍ o̍ nɔ̍ la̍mɛ̍ɛ̍lu̍ le̍ wo̍, ndu̍ o̍ sɔ̍lā ni̍.

Mɛ̄lɛ̄ka̍ vi᷄m Po̍ ndɔ̄ɔ̍ o̍ chi̍e̍ēŋndo̍ ni᷄ŋ le̍ mbō hu᷄ŋ ki̍lūl wāŋnda̍ īyāma̍ mbō tūsi̍ nda̍ nyɛ̄ pālāā chōo̍ le̍. Ō vēm māvīāmāā Po̍ ndɔ̄ɔ̍ le̍ mbō hu᷄ŋ pi̍ŋī wāŋndā chīe̍e̍ya̍.

Mi̍ Chi̍i̍sū lo᷅ o̍ ko̍ŋ mbo̍ mūlūl Nīkōdi̍mɔ̄ɔ̄ āā, “Mī di̍mu̍l nu̍m tōnya̍a̍ wa̍la̍ŋ, wānā o̍ wānā tē a̍ mi̍i̍ŋgu̍ vi̍o̍lɔ᷄ŋ pi̍la̍ le̍, Mɛ̄lɛ̄ka̍ ve᷅ nu̍m chōo̍ Ma̍sā le̍.”

Ndu̍yɛ̍, wānā o̍ wāna̍ dɔ̍ū tīīnda᷄ŋ ndɔ̄ɔ̍ o̍ Po̍ ndɔ̄ɔ̍ ho̍ō ni᷄ŋ pɛ̍, ā ki̍lūl lɛ̍ ndu̍ īyāma̍ mā tūsi̍ ndu̍ nyɛ̄ pālāā chōo̍ le̍. Kɛ̍, wānā o̍ wāna̍ do̍u̍ ti̍i̍nda᷄ŋ ndɔ̄ɔ̍ o̍ ndu̍ ni̍ŋ te̍, mɛ̄ɛ̍ ā chīi̍ ni᷅ŋ bɛ̍ɛ̍ wa̍nā ko̍ŋ yāmɛ̍i̍ kīlūl le̍ ndu̍ nyɛ̄ pālāa̍ tūsī chōo̍, kāni̍ fo̍ndōle̍, le̍ mɛ̄ɛ̍ o̍ kɛ̍ɛ̍ le̍ tīīnda᷄ŋndo̍ dɔ̄wɔ̄ɔ̍ o̍ Mɛ̄lɛ̄ka̍ Po̍ ndɔ̄ pi᷅lɔ̍ɔ̍ ni᷄ŋ yɛ̍.

Sa̍bū Mɛ̄lɛ̄ka̍ kīlūl ni̍ŋ wa᷅ŋnda̍ o̍ chi̍e̍ēŋndo̍ chōo̍ ya᷅mɛ̍i̍ mbō tūsi̍ nda̍ nyɛ̄ pālāa̍ chōo̍ wo̍, ndu̍ cho̍ ho̍ō ni̍. Mɛ̄lɛ̄ka̍ yɔ̄ŋgu̍ nyɛ̄ wa̍wo̍ŋndo̍ o̍ chi̍e̍ēŋndo̍ chōo̍ ndu̍ yɔ̍nūŋ māā nyɛ̄ wa̍wo̍ŋ tōnya̍a̍ a̍ ndu̍ pi̍la̍ o̍kɔ̄ɔ̄ ni̍. Kɛ̍, yɔ̄ŋi̍ nda̍ kāāla̍ nyɛ᷅ wa̍wo̍ŋ tōnya̍a̍ ho̍ō yɛ̍, nīīlū mānyūmndo̍ nda̍ kāāla̍ ni̍, kāni̍ fo̍ndōle̍, le̍ sɔ̄ɔ̍ŋ wɔ̍ɔ̍ŋ nda̍ tōsā wo̍ŋ.

Ndu̍ nɔ̍ ni̍ mbō hīōū lāchī a̍ wāa̍ ō bɛ̄ndū mī ya̍ I̍ dɔ̍ɔ̍na̍ŋ.”

Wāna̍ to̍sā sɔ̍ɔ̍ŋ wɔ̍ɔ̍ŋndo̍ŋ ndo̍, ndu̍ ko̍ tu᷅l nyɛ᷅ wa̍wo̍ŋ tōnya̍a̍ lēyɛ̄ ni̍. Ndu̍yɛ̍, ō fu̍lā na̍a̍ nyɛ̄ wa̍wo̍ŋndo̍ chō wa̍ le̍, yɔ̄ŋi̍ yɔ̄ŋ ndɔ̄ wɔ̍ɔ̍ŋndo̍ chɔ̄ɔ̄mu̍ŋ.

Wānā o̍ wāna̍ dɔ̍ū tīīnda᷄ŋndo̍ o̍ Po̍ Mɛ̄lɛ̄ka̍a̍ ho̍ō ni᷄ŋ pɛ̄, wānā ko̍ŋ ō sɔ̄la̍ yōōmū kpe̍e̍kpe̍i̍yo̍ o̍ nɔ̍ la̍mɛ̍ɛ̍lu̍ le̍ wo̍. Kɛ̍, wānā o̍ wāna̍ to̍sa̍ nyɛ᷅ o̍ di̍mūl ndu̍ wo̍ le̍ ō sɔ̍lā yo̍o̍mū kpe̍e̍kpe̍i̍yo̍ le̍. Ndu̍yɛ̍, o̍ ko̍ŋ kɔ̍ɔ̍lī, mī Mɛ̄lɛ̄ka̍ ō lo̍ wānā ko̍ŋ nyɛ̄ pālāa̍ tūsīo̍o̍ chōo̍ ha̍a̍a̍.

Mi̍ Chi̍i̍sū hi̍a̍ū lāchī a̍ sūɛ̍i̍ āā, “Mɛ̄ɛ̍ Mūu̍sē he̍e̍lu̍ kɛ̄ū nda̍ tūūla̍ a̍ būlɔ̍ŋsīi̍ye̍ o̍ po̍llo̍ ni᷄ŋ yɛ̍, le̍nde̍ ko̍ni̍ nda̍ chō wāna̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ bāŋɔ̄ɔ̄ o̍ yɔ̄mndo̍ chōo̍ mā hēēlu̍ ni̍.

Mɛ̄lɛ̄ka̍ Fi̍nyāa̍ ō kāāla̍ Po̍ ndɔ̄ɔ̍. Ndu̍yɛ̍, ō hāndu̍ Po̍ ndɔ̄ɔ̍ le̍ mī nyɛ̄ o̍ nyɛ̄ fe̍e̍ wa̍ ndu̍ o̍ bā bɛ̄ŋgu̍.