Папулярныя біблейскія вершы з San Mateo 19

Падзяліцца

Jesús oma'ẽ hese kuéra ha he'i ichupe kuéra: --Yvypóra kuéra ndaikatúi ojapo upéva, Tupã Ñandejára katu ipu'aka ojapo haguã opa mba'e.

Upéicharamo na mokõivéima, peteĩntema. Upéva rehe yvypóra kuéra ndoipe'ái vaerã ojuehegui pe Tupã Ñandejára ombojuaju va'ekue.

Jesús he'i ichupe kuéra: --¿Ndapeleéipa peẽ Tupã Ñandejára Kuatiañe'ẽme he'íva, Tupã Ñandejára ojapo ramo guare opa mba'e iñepyrũmbýpe, “ojapo hague ichupe kuéra kuimba'e ha kuña”? He'i avei: “Upéva rehe pe kuimba'e oheja vaerã túvape ha isýpe oho haguã hembireko ndive, ha oiko haguã mokõivévagui peteĩ.”

Jesús katu he'i: --Peheja tou umi mitã che rendápe, ha ani pejoko, ha'e kueraichagua mba'égui pe reino yvága pegua.

Ha heta umi ko'ãga itenondéva itapykue vaerã; ha heta umi ko'ãga itapykuéva itenonde vaerã.

Ha opa umi oheja va'ekue hóga kuéra terã tyvýra kuéra, terã teindýra kuéra, terã túva, terã sy, terã tembireko, terã ta'ýra kuéra, terã yvy kuéra, che rehehápe, ohupity hetave vaerã cien jevyhágui ha ohupity vaerã avei pe tekove opave'ỹva.

Jesús he'i ichupe: --Rejapopase ramo hekopete, tereho eñemumba pe rerekóva rehe ha eme'ẽ mboriahu kuérape, ha rerekóta mba'eta yvágape; ha eju che moirũ.

Jesús he'i ichupe: --¿Mba'e rehepa ere che marangatuha? Peteĩ añónte pe imarangatúva ha upéva Tupã Ñandejára. Reikese ramo pe tekove ha'etévape katu ejapo Ñandejára rembiapoukapy.

Ha'e jevy peẽme, nda hasyiveha peteĩ camello ohasa haguã ju resa rupi, pe mba'eta rerekoha oike haguãgui pe reino yvága peguápe.

Che katu ha'e peẽme, pe opoíva hembirekógui ndaha'éima guive heko vaikue rehe, ha omendáva ambue kuña rehe, ombyaiha imendare; ha pe omendáva pe kuña iména opoi va'ekue ichugui rehe, oñemongy'a pe mendare ñembyai pyrépe.

Upérõ Jesús he'i hemimbo'e kuérape: --Añete ha'e peẽme, hasyha pe mba'eta rerekoha oike haguã pe reino yvága peguápe.