Папулярныя біблейскія вершы з Luka 22

Падзяліцца

Na ɔ́su ɔnini, “Ati, si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Amu na úti bodobodo ɔdi na ɔ́gya Katɔti enu. Na ɔ́bwɛ-nwu kɔkɛ kɔkɛ na úti úte-ma. Na ɔ́su-ma ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛbla ɔmɛni na biti bitaakali-mi.”

Lɛni kani na úti ɔɔƒɛɛ ɔni kemmo na ntɛ buwi úte-ma na adila ammɔ kama na ɔ́su-ma ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úse likpo ku mina ubugya ɔni ndubuwi kalɔ na amii ɔsu.

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Nsu ɔɔɔdi lɛni na ɔlɛka use na bina akɔ. Mmomu ukyuli ɔni ntulo ƒui na bina akɔ ni, ɔlɛka ɔbla lɛlɔ ubliidi ƒui na bakladi akɔ. Na ɔdi ka ɔtɔnkune unwini kabla ɔblane.

Amu na Yesu ɔ́su-nwu ɔnini, “Petro, mɔɔsu-ɔ nnii usien ɔmɛni asa na akɔkɔ wete kenye ni, adubɔsu kɔtɛ ƒui ka aaagyi-mi.”