Папулярныя біблейскія вершы з Marko 12

Падзяліцца

Mmɔ na Yesu ɔ́su-nwu ɔnini, “Bénweni ɔda bubo bɔni ntulo ƒui básu banini, ‘Israelƒuɔ, binu kaduɛ! Unwoti ndi bula Katɔti, na anwu lɛti pɛ nkya. Anwuɔsu ɔlɛka bɛyɔ Unwoti ɔni ndi bina Katɔti ku bina kayi ƒui ku bina kɔyu ƒui ku bina kasusu ƒui ku bina ɔyikun ƒui.’ Na ɔda bubo bɔni nsɔ nsia ɔmɛni kama ndi ka, ‘Yɔ ƒula ukyulikpana aani ƒula lɛlɔ kalɛ.’ Ɔda bubo bɔbambadi bɔsɔ buuubo bɔni ntulo ɔda bubo bɔmɛni.”

Amu na Yesu ɔ́lɔ nwuna batɛyane ɔ́sala lisu na ɔ́su-ma ɔnini, “Mɔɔsu-mii geen ka na Katɔti anumi ni, ukpinele ɔwabane ɔmɛni néte egulabi útulo na bekyuli bamɛni ƒui akɔ. Sɔsɔ ni, bekyuli bamɛni ama bana lɛlakɛ kenye na bakɛ bébo beete etela amɛni. Nsu ni, basɔ bebo egulabi abambadi pii. Na uleku ɔmɛni anwu ni, ina ka ɔwabane na ɔdi ni, úti lɛla lɛni nse-nwu ƒui úbete. Lɛla lɛni na ɔdubuti uye nwuna lɛdila ni, ani na úti úbete mɛni.”

Amu na Yesu ɔ́yu úlie kalɔ na kakpakɔ mmɔ na egulabi kesekɔ kudɔ, na ulie ɔɔnu kalɛ na bekyuli baaví teetéte bana etela. Balakɛne pii bététe egulabi bonwu banii beeti batina lɛlɔ. Na ukpinele ɔwabane ɔdi lɛnɔ úbavi na úti kaplɛ inyɔ útéyi.

Na ɔlɛka ukyuli ɔyɔ Katɔti ɔ́siku nwuna kayi kemmo ƒui ku nwuna kasusu kemmo ƒui ku nwuna ɔyikun kemmo ƒui. Na ɔlɛka ɔyɔ nwuna ukyulikpana aani kalɛ na ɔɔyɔ́ anwu ɔlatidi nwuna lɛlɔ kalɛ. Ɔdia ka ukyuli ɔsia ɔda bubo bɔmɛni kama utulo si úti bebuo ku akpala abambadi útákpa Katɔti.”

Amu na Yesu ɔ́su-ma ɔnini, “Amu ni, biti lɛla lɛni ndi Kaesare lɛdi bite-nwu. Na biti lɛla lɛni ndi Katɔti lɛdi bite Katɔti.” Ɔmɛni ɔsu ni, bébimi bana inye béwi, ɔsika ɔ́bla-ma dɛye dɛye.