Папулярныя біблейскія вершы з Marko 16

Падзяліцца

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu. Na si béƒie kɔlakpi báda iye báni ugyulo ukpidi ɔdi biala ni, ulabla-ma lɛla lɛdi. Si béti bana enu básia balɛne lɛlɔ ni, badubɔkɛ lɛlɔ ɔkplu.”

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Amu na okloƒu ɔmmɔ ɔ́su-ma ɔnini, “Bitayia. Ngyi ka Yesu Nasareni na bɛɛwia, anwu ɔni na bákana bámana ugyii lɛlɔ. Uuubo mɛni! Ɔ́ta uli ngba! Bɛnu! Mɛni ndi likpo lɛni na béti-nwu bákya.

Uwi ɔni na bakɛ bésela ni, béye lɛlɔ banini, “Ɔma na bɔdubɔkɛ na uminime lɛtakpɛ lɛmmɔ udie na kaƒiɔtɔ kammɔ kenye ute-bu?” Béye lɛlɔ ɔmɛni ɔsika lɛtakpɛ lɛmmɔ líbomo geen. Nsu ka bédu mmɔ ni, bánu ka ukyuli ɔdi úuminime lɛtakpɛ lɛmmɔ údie. Anwuɔsu ka béduo kaƒiɔtɔ kammɔ kemmo ni, bánu okloƒu ɔdi ka ulie kɔdianu kakɛ. Na ɔda ala aƒualadi sɔɔn! Ɔtɔtɔ ɔ́gyu-ma.