Папулярныя біблейскія вершы з VPHAUNGC VYAUNGC 6

Падзяліцца

vpiq rueq tsuingshiq tvdung sung vtueq ghaq htauk nuex tvhttaz tueq kuex kvmac vpiq thuinbac tueq.

Ghaq htauk wawc miqsaz htenc kuex mtanc lac layx bac vtueq, vkhing ruip rawx nuex tsuingshiq rueq tvmaung yaq lvmz mtanc lac honc bac yaq nguinx kuex Yehowa rueq khiz vtueq

Yuq muinz Yehowa rueq Noa kuex raungc raq tueq.

Vruex kuex Noa mvnphvnc rvtueq. Piq sahez kuex Shem, Ham, Japhet ngoz tueq wathuimx httax yaq. Noa piq pat nuex mvrax vguez miq hvlx kuex piq dvyx rvtueq. Piq kuex Tishox rulc rvnvp hvt httaz jix waz rvtueq

Vpiq kuex pinhtumc rvwvlc thamx yec juing yaungc ningkhvnc nuex vpiq rueq, “Ngaz rueq vtvdung sung miqsaz htenc, ngvmx saz nyvmx saz htenc, wushawx htenc kuex mungkawx vwawc tvsawc gay shaungx, yvmx khoc lac ngoz ruiux lec tsuingshiq tvdungc sungc ningkhvnc nuex ngaz kuex thuinbac vtaungx,” ngoz tueq jungx tueq.

Kvtanc jauz mungkawx baung ruip saz nuex miq paungyaung wvnc tueq, yalxjuik sahez htenc muinz jawx tueq, raungx sahez wvyvmc kuex miq yalxjuik saz rulx shvmhvlc kuex khiz vtueq, miqmac rueq vroc kuex lvmz wuez tueq. Yehowa rueq, “Miq kuex vthueyc phvnx rvtueq, mkaq muinz rullungx tvraungx httaz tvkoc ngaz rueq kuq mauk. Majuiuc maq phaungc vtueq miq rullungx kuex wawc shashiz rac wawc roknueyc dvyx mruez kueq,” ngoz tueq jungx tueq. Ghaq vyuq kvtanc jauz nuiyc kvruex yimaq miq yalxjuik sahez nuiyc raungx sahez rueq vlvp wvyungc wvloayc miq htenc httax wvnc tueq. Kvruex jix kuex shauk vgvnz wvyungc wvloayc yaungx vtueq, tsuingshiq kuex mvnnuex pat maq phuex khvmc hvlc shvrvyx bix nuiyc muingjungc httaz hvlc miqsaz htenc rvtueq.

Noa rueq muinz Tishox rueq nvr tueq rulc rv-ngvlc lotlaz tvhungx htaungx tueq.

Tishox rueq Noa muex ngoc, “Ngaz rueq miqsaz lotlaz kuex tvhtumx gay tvkoc htvp htaz lot tauk shex. Ngaz rueq tsuingshiq lotlaz tvbac gay shaungx, yvmx khoc lac ngoz ruiux lec tsuingshiq rueq yauk laungc yalawx yauk shuimc mungkawx nuex mvrc yaq ningkhvnc nuex tsuingshiq kuex tvsawc ruiyc tvbac gay shaungx.

Mtvkoc vhvlx phvnx pulx maq lix vshiz tvhungx guirx shuiuz; khok htenc tvhungx vtueq vtsec kox nuiyc vmungx kox kuex shuirx maq tsac shuiuz.

Tishox rueq mungkawx kuex lawc koq tueq honc vbac khiz tueq, yvmx khoc lac ngoz ruiux lec miqsaz lotlaz kuex honc vbac ningkhvnc nuex rvtueq.

Thuiuzthuic tvraungx lvp wvnc tvkoc ngvmx saz nuiyc wushawx phvnx ruip saz wawc vkuiux vlaz tvguip shishiz kuex mnoz rulc lix kvyuq tv-nyuip shuiuz.