Папулярныя біблейскія вершы з Hechos 1

Падзяліцца

pero mi caj la' wʌq'uentel la' p'ʌtʌlel, che' mi' yochel ti la' pusic'al jiñi Ch'ujul bʌ Espíritu. Ya' ti Jerusalén yic'ot ti pejtelel judea yic'ot ti Samaria c'ʌlʌl ti ñajt bʌ pañimil mi cajel la' su'b chuqui tac tsa' la' q'uele.

Jesús tsi' su'beyob: —Mach la' wentajic cha'añ mi la' ña'tan baqui bʌ q'uiñ mi baqui bʌ ora mi caj i yujtel jiñi, come jiñi lac Tat tsi' bajñel ch'ʌmʌ ti' wenta

Che' temel añob tsi' su'beyob: —Mach yomic mi la' loq'uel ti Jerusalén, ya' yom mi la' pijtan jiñi albil bʌ t'añ i cha'añ lac Tat mu' bʌ caj i yʌq'ueñetla, che' bajche' u'bibilix la' cha'añ ti joñon. Come Juan tsi' yʌq'ueyetla ch'ʌmja', pero Dios mach jalix mi caj i yʌq'ueñetla la' ch'ʌm Ch'ujul bʌ Espíritu.

Che' bʌ tsa'ix ujti i yu'bin wocol Jesús, tsi' cha' pʌsʌ i bʌ ti tsiquil ti' tojlel jiñi chocbilo' bʌ majlel ti subt'añ cha'añ cha' cuxulix, cha'c'al to q'uiñ tsi' cha' pʌsʌ i bʌ ti' tojlel wiñicob x'ixicob tsi' su'beyob che' bajche' añ i yumʌntel Dios.

Che' bʌ tsa' ujti i laj su'b jiñi t'añ, che' woli to i q'uelob, tsa' pʌjyi letsel, tsa' mʌjqui ti tocal, ma'añix tsi' chʌn q'ueleyob.

Che' woli' chʌn q'uelob panchan, che' woli ti letsel majlel Jesús, tsa' wa'leyob ti lʌc'ʌl cha'tiquil wiñicob wen sʌsʌco' bʌ i pislel, tsi' su'beyob: —Wiñicob, añet bʌ la ti Galilea, ¿chucoch woli la' chʌn q'uel jiñi panchan? Jiñi Jesús, tsa' bʌ pʌjyi letsel ti panchan loq'uem bʌ ti la' tojlel, mi caj i cha' tilel che' bajche' tsa' la' q'uele che' bʌ tsa' majli ti panchan.