Папулярныя біблейскія вершы з Jowãw 11

Падзяліцца

Mã Jeju cumã: — He ampeaj kam ri, ipê hacpỹa mã mehtyc to ihtĩr catê. Na quê ha jũm te ihkên ton to ipa na, quê ha ramã Pahpãm mãa jũm ata tyc pyràc. Cakrô quê ha ito amji mã ihhimpej na, wa ha cumã cute amji kam hapac xà tuw pejti gõ, quê ha Pahpãm mã jũm ita ihtĩr rohnỳtti mã. Ne por jũm ito amji mã ihhimpej to ipa ata, quê ha nee jũm ata ihtyc ne ihtyc tu nare. Ne ca? Xà ca ha ajkĩ pijamã ijũjarẽn xà ita to amji mã ahimpej? — hane.

Mã Jeju cumã: — Xà wa ite curmã me amã amji jarẽn to: “Ca ha ate me ipar na, ca ha atỳj me Pahpãm carôt pupu” hajỹr nare? — hane.

Mã Jeju te ahna kẽn kre pupun ne apu kam amrã.

Mã Jeju jũpar ne cute harkwa to: — Quê ha nee hicu xà kam hà ita ihcuran nare. Ne hà ata kôt quê ha me hàhtôa ne quêt ipê Pahpãm kra carôt tỳjti na me ijahkre pej. Ne hà ata kôt quê ha me hàhtôa ne quêt me Pahpãm carôt tỳjti ata pupu ne amji mã me hũpa — hajỹr.

Ne cute hũjarẽn to hajỹr jirô pê mã ri cute Raxaro mã hàkjêr to: — Ikwỳ nõ Raxaro, ajpên põ mã acato! — hajỹr. Mã por Raxaro tyc ata tĩr pyrentu. Mã cupẽhkà te ihpar me hũhkra cunea cajpre ita kam, jũ wỳr quê mõr pej, na ri ajpên põ mã to amji rẽn to mõ. Mã hanea ne ihkuc na hê. Mã Jeju te ame hõmpu atajê mã harkwa to: — Intête me cupẽhkà te ihcupu ata pô, quê ihtỳj tẽ — hajỹr. Mã cupê ipôt par, mã ma põ mã tẽ.

Mã hipêr ahna Jeju crycre, ne cumã amji kĩn nare, mã ma kẽn kre wỳr tẽ, ne cute kẽn kre jarkwa pupun, mã kẽn nõa te kre ata jarkwa jihê, Juta catêjê te amji jarêt xà ata kôt.

— Me pajõ ikwỳ nõ Raxaro ramã nõ ne apu gõr cakrô, wa ha itỳj ihcujrõ ne hỹr — hane.