Папулярныя біблейскія вершы з Ruc 17

Падзяліцца

To xa ne mõ. Ca ito amji mã ahimpej, cwỳrjapê ri ramã acaprãr pejtu ― hajỹr, mã ma tẽ.

Quê ha atõ, amcro pyxit kam, ato kên to xet, ne awỳr pra ne amã: “Wa ha ite ato kên ita jicu. Ne nee hipêr ato hajỹr nare. Ikam acryc nare” hane. Ca ha atỳj cute ato kên ita to tojnõ, ne nee to amji japackre nare ― hane.

Mã mehkà xêtti atajê nõ te ramã caprãr na amji cajpẽr, ne amji kà pupun, ne Jeju wỳr amji jaxàr pyrentu, ne kỳj cati pêa mã caprãr pyrên hakryti na, côjkwa kam Pahpãm to hàmnãn to mõ. Ne jũm ata pê nee Juta catêjê nõ nare, ne cupê Krĩrĩtpej jõ pjê catêjê nõ. Ne Jeju wỳr cator, ne cuna mã hõ pôrpo ne nõ, ne cumã: ― Ỹhỹ, ikrã tũm ampeaj kam apej, ne ate icaprãr xà ita pyrên ampeaj kam ijakry ― hane.

Co he, me guphê! Quê ha atõ ampo to ato kên, ca ha intête cumã. Quê ha ihkên ita jicu, ca ha cute ato kên ata to tojnõ, ne nee to amji japackre nare.

Mã Jeju te ihcukij ne cumã: ― Pỳhàpà, jõ ri mã me akwỳ cahhur? Xà nee ite me acunea caprãr nare na mã apyxit peaj te amji jaxàr? Jõ ri mã me akwỳ kwỳ te me nowi atajê?

Mã me cumã: ― Ca nee cormã ito amji mã me ahimpej nare. Kepê ca ito amji mã me ahimpej kryjre to hanea, pom quê ampo hy kryjre ita he, ne atỳj ampo pĩ pàr catia xa ita mã garkwa ta, ne cumã: “Garê mea mã amji capa, ne ma côxwa kam amji kre” hane. Quê ha pĩ pàr ita ihtỳj me akampa, ne me akam hapac to kênre nare, ne ma côxwa kam amji kre ― hane.

Quê ha jũm apu ihtĩr prãm, ne ihtỳj amji to acto. Ne jũm te amji to ipictor prãm ata, quê ha Pahpãm cahê na ihtĩr rohnỳtti mã.

Ne Jeju te hipêr ihkôt me ipa catêjê mã: ― Ỹhỹ, ampeaj kam quê ha hõtpê mehkwỳ, Pahpãm cuna mã mehkên xà kêanre to. Ne pỳj me xi, por cute me cumã mehkên to hahkre, ne me cumã to mehhimpej atajê, quê ha ame amrãa to ame amrã. Ampo na? He quê ha Pahpãm, por cute jũmjê kryjre mã mehkêanre to hahkre atajê, quê ha Pahpãm mehkên mã me cumẽ. Ne mehkên mã me hàr xà ata ri ihkêanre. Quê rỳ mã mehkên kêanre ata xwỳjrea na memput na kẽn pytĩa nõ mã hê, ne côxwa tua kam ahna me cumẽ, quê cô me hipej.

― Ne por pê me panquêtti Nowe xwỳ jõ amcro ajco hapôj ata na, quê ha me ijõ amcro hane. Ne por ihtỳj ajco mehcunea me apà ne me ikõ to me ipa. Ne nee amji na me ampo cãmjĩ nare kam, me hũmre me pyjê ajco me hikwa tuw to mõr ata kam, pê ahnaa Nowe xwỳ te pàr kreti mã hàr jõ amcro kam ahtwỳ. Ne me hàr jirô pê, pê cô cati cato, ne mehkwỳ jipej tu.