Папулярныя біблейскія вершы з YOHANE 12

Падзяліцца

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

Or u uma u nan a doo nan yô, uma la una saa nan; kpa u nan ker uma u nan ihom shin tar ne yô, nana lu a mi zan zan uma u tsôron.

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

Mo M va shin tar ne er iwanger nahan, sha u hanma or u nan jighjigh yô, nana̱ de kera luun ken ime her ga yô.

Man shi aluer anti or nana ungwa mkaanem Am, kpa nana wa ma iko ga yô, Me ôr nan ijir ga; gadia M va sha u Me ôr tar ijir ga, kpa ka sha u Me yima tar yô.

Tsô Maria tôô mkurem kuma pams u ikaren môm, ma nardu jim ma taver ishe kpishi, a shighe Yesu ma shin angahar, shi a ese Un angahar sha ice na; iyou la cii mgbough a ihuma i mkurem mara.

nahan ve tôô andar a avilegh, ve due u za keghen Un gbenda, ve gba genger imo, kaan er: Hosana! I̱ wuese Un u A ve ken iti i Ter la, ka Tor u Iserael je la.

Kpa Yesu gema kaa a ve er: Shighe kuma u a na Wan u or icivir ve.