Папулярныя біблейскія вершы з NSAN LUCA 23

Падзяліцца

Y nu de mi zʉhni ra Jesu ja ra pontꞌi, nuꞌá̱ bi ꞌñena: ―Ma Dadaꞌi, pumbabi gatho nuyʉ ya ja̱ꞌi bi ꞌyøtca njaua, ngueꞌa̱ nuyʉ́ hingui pa̱di núꞌa̱ øtꞌe. Ha núꞌʉ ya soldado mi ꞌbʉhni bi ma ra ta̱ha̱ꞌʉ pa da nu toꞌo gueꞌa̱ da da̱ha̱ ꞌna de nuyá he ra Jesu.

Ra Jesu bi da̱di ne bi ꞌñembabi: ―Nugui dí xiꞌaꞌi gue núbya ꞌbestho ma gui ꞌbʉi con guecagui nuni mahetsꞌi.

Nepʉ nuꞌá̱ bi ꞌñembabi ra Jesu: ―Gui bengagui nu xcrí hudi ja ri hudi dega hmanda.

Nepʉ ra Jesu bi ña̱ ntsꞌɛdi ne bi ꞌñena: ―Ma Dadaꞌi, nubyá dí ɛntꞌaꞌi ma te ja ri ꞌyɛ. Ne mi uadi bi ma̱nga njabʉ, ꞌbestho bi du.

Ha nu mi zønga ja ꞌnara zi tꞌøhø rá thuhu Ña̱xmadu, ja bri pontꞌini ra Jesu co núꞌʉ má yoho ya ꞌñøhø, ꞌna bri ꞌbaꞌma ja rá ꞌñɛi, ha nuꞌa̱ maꞌna ja rá nga̱ha̱.

Y ngu mi nde ma pa bi ꞌmɛxuui maxøgue ra ximhai, pa asta ngu nzʉnga hñu nde, ngueꞌa̱ nura hyadi himbi yotꞌi, ha nura da̱nga xʉni dutu mi naxa mbo ra nda̱nija̱ pa mi cotꞌa habʉ maꞌna xmá nsunda, bi xøgue desde maña̱ asta rí gaꞌti.

Ha nu mi hyanda njabʉ ra nda̱ gá soldado bi xøcambeni Ajua̱ ne bi ꞌñena: ―Xi majua̱ni nuna ꞌñøhøni hinte ma tsꞌoqui mi tu.