Папулярныя біблейскія вершы з Mathew 13

Падзяліцца

Ond am yr had sy’n disgyn ar dir da, hwnnw yw’r dyn sy’n clywed y gair ac yn ei ddeall. Mae’n dwyn ffrwyth — canwaith cymaint ag a heuwyd, neu drigain gwaith, neu ddeng waith ar hugain.”

Am yr had sy’n disgyn i ganol drain hwnnw yw’r dyn sy’n clywed y gair, ond bod gofalon bywyd a swyn hudolus cyfoeth yn ei dagu, ac ni rydd ffrwyth.

Pob dyn sy’n clywed y neges am y Deyrnas ond heb ei deall, mae’r un drwg yn dod ac yn cipio’r hyn sy wedi ei hau yn ei galon. Hwnnw yw’r had sy wedi ei hau ar ymyl y ffordd.

Mae’r had sy’n disgyn ar y tir creigiog yn ddarlun o’r dyn sy’n clywed y gair ac yn ei dderbyn ar unwaith yn llawen; ond nid oes ganddo wreiddyn ynddo’i hunan, a thros dro mae’n dal ati, ac yna, pan ddêl amser caled neu erledigaeth o achos y gair, mae’n syrthio ymaith ar fyr dro.

“Mae teyrnas Nefoedd yn debyg i drysor wedi ei gladdu mewn cae. Dyna ddyn yn dod o hyd iddo ac yn ei gladdu eilwaith; yn ei lawenydd i ffwrdd ag ef, gwerthu popeth sy ganddo, a phrynu’r cae hwnnw.

Ond fe syrthiodd peth o’r had ar dir da, a rhoi cnwd, un ganwaith cymaint ag a heuwyd, un arall drigain gwaith cymaint, ac un arall eto ddengwaith ar hugain cymaint.

Gadewch i’r ddau gyd-dyfu nes daw’r cynhaeaf; ac amser cynhaeaf fe ddyweda i wrth y medelwyr, “Cesglwch y chwyn i ddechrau a rhwymwch nhw’n fwndeli i’w llosgi, yna dowch â’r gwenith i f’ysgubor i” ’.”