Папулярныя біблейскія вершы з YOWANO 16

Падзяліцца

Vyumevi ngunavihanjika kuli enu mangana ngwami, mutwamenga nakuunda muli Ami. Hamavu mweji kumonangaho luyando, oloze likolezezenu, vyahamavu Ami ngunavifungulula lyehi.

Oloze Ikiye hakwiza, Ivene Xipilitu wamucano, mwakamitwaminyina namumucano wosena, mwomwo kexi kukalihanjikila tuhuko, oloze vyexovyo mwakevwa, vyavize vene mwakavihanjika, kaha navyuma vize navikasoloka kulutwe nawa mwakamilwezavyo.

Kufumisa kunyima kanda mulombe lyehi cuma cimwe halijina lyami. Lombenunga, kaha namutambula, mangana kuwahilila cenu cipwenga cakutamo.

Cipwe ngoco, Ami nangumilweza mwamucano ngwami, Cinawahe kuli enu Ami ngufumeho, mwomwo kaci nge kangwexi kufumahoko, kaha Muka-kumikafwako kexi kwiza kuli enuko. Oloze kaci nge nanguya, kaha nangukamutuma kuli enu. Ikiye hakwiza mwakavakunyula vaka-mavu haxili nahakwoloka nahakupaya.

Xikaho nayenu nawa, oholili muli nakunyengetela, oloze nangukamimona ceka, kaha micima yenu nayikawahilila, kaha kuwahilila cenu naumwe pimbi mwakamitambulaco. Halikumbi lize enu kamwexi kukangwihula lizu cipwe limweko. Camwenemwene, camwenemwene, nangumilweza ngwami, Kaci nge namukalomba cuma hicuma kuli Tata, mwakamihanaco halijina lyami.

Camwenemwene, camwenemwene, nangumilweza ngwami, Enu namukalila nakwimba lungungu, oloze vaka-mavu navakawahilila. Enu namukanyengetela, oloze kunyengetela cenu nacikalumuka kupwa kuwahilila.