Папулярныя біблейскія вершы з YOWANO 21

Падзяліцца

Vakivo hakumanyisa kulya, Yesu amwihwile Ximona Petulu ngwenyi, Ove Ximona mwanaYowano, unanguzange kuhambakanava tahi? Amukumbulwile ngwenyi, Mwomwo vene Mwata, Ove unatacikiza ngwove, ngunakuzange. Amwambile ngwenyi, Lisanga vana vamikoko jami. Amwihwile ceka kamucivali ngwenyi, Ove Ximona mwanaYowano, unanguzange tahi? Amwambile ngwenyi, Mwomwo vene Mwata, Ove unatacikiza ngwove, ngunakuzange. Yesu himwamwamba ngwenyi, Funganga mikoko jami. Amwihwile kamucitatu ngwenyi, Ove Ximona mwanaYowano, unanguzange tahi? Petulu anyengetelele mwomwo amwihwile kamucitatu ngwenyi, Unanguzange tahi? Kaha amwambile ngwenyi, Ove Mwata, ove unatacikiza vyuma vyosena, Ove unatacikiza ngwove, ngunakuzange. Yesu himwamwamba ngwenyi, Lisanga mikoko jami.

Camwenemwene, camwenemwene, nangukulweza ngwami, Omu wapwilenga ukanyike, walijicikilengove lyavene, watambwojokelenga kwexokwo wasakilenga, oloze omu naukapwa hiukaxinakaji naukolola mavoko ove, kaha weka mwakakujicika mwakakutwala kuze unazeneka kusaka.

Avambile ngwenyi, Fucilenu lyoji kusali yawato kulivoko lyacilyo kaha namujiha vaixi. Jino vafucile lyoji, kaha kavahaxile ceka kulikokako hakuvula cavaixi.

Ximona Petulu avambile ngwenyi, Nanguya nakuta vaixi. Vakwavo hinavamwamba ngwavo, Nayetu nawa natuya nove. Vayile, vengilile muwato, oloze ufuku uze kavajihile cipwe umweko.