Папулярныя біблейскія вершы з YOWANO 5

Падзяліцца

Camwenemwene, camwenemwene, nangumilweza ngwami, Ou mwevwa mazu ami nakumwitava Uze angutumine ali nakuyoya cahaya myaka yosena, kaha kexi kukaheta kwakumupayisako, oloze nafumu lyehi mukufwa, nengila lyehi mukuyoya.

Yesu hakumumona nasavala, kaha atacikijile ngwenyi, Naximbula lyehi myaka yayivulu, himwamwihula ngwenyi, Unasake ngwove, upwe walambwe tahi?

Mweji kutalatalanga muMazuvasoneka, mwomwo enu munaxinganyeka ngwenu, mukiko vene munawanyina kuyoya cahaya myaka yosena, xikaho. Kahakiko vene awa asolola unjiho wakungulumbununAmi. Oloze kamute kwiza kuli Ami mangana mutwamenga nakuyoya.

Yesu himwamwamba ngwenyi, Katuka, mbata kahela kove, tambukanga. Linwomu vene uze mutu hanapu lyehi walambwe, kaha himwambata kahela kenyi, mwatambuka. Likumbi lize lyapwile lyasambata.

Xikaho Yesu avakumbulwile ngwenyi, Camwenemwene, camwenemwene, nangumilweza ngwami, MwanaKalunga kexi kuhasa kulilingila tuhu cuma cimwe cauka wenyiko, xinoco kaha mwamona ali nakulinga Ise. Mwomwo vyexovyo mwalinga Ikiye, vikiko vene naMwanenyi nawa mwavilinga mwomumwe.