Папулярныя біблейскія вершы з KA BUKE MUA A MOSE, I KAPA ʻIA KINOHI 27

Падзяліцца

“E hāʻawi mai ke Akua iā ʻoe I ka hau no ka lani mai, Me ka momona o ka honua, A me ka palaoa a me ka waina he nui. “E hoʻokauā mai nā kānaka nāu, A e moe iho nā lāhui kanaka i mua ou, E lilo ʻoe i haku ma luna o kou poʻe hoahānau, A e moe iho nā keiki o kou makuahine i mua ou. E hōʻino ʻia aku nā mea a pau e hōʻino mai iā ʻoe, A e hoʻopōmaikaʻi ʻia aku ka mea hoʻomaikaʻi iā ʻoe!”

ʻĪ akula ʻo ia, “ʻAʻole anei i pono ke kapa ʻana iā ia ʻo Iakoba? No ka mea, eia ka lua o kona kāʻili ʻana i koʻu pono; kāʻili akula ʻo ia i ko ka hānau mua pono oʻu; eia hoʻi, ʻānō, ua kāʻili aʻela ʻo ia i koʻu hoʻomaikaʻi ʻia.” ʻĪ akula hoʻi ʻo ʻEsau, “ʻAʻole anei ʻoe i mālama noʻu kekahi hoʻomaikaʻi ʻana?”

ʻŌlelo maila ʻo ʻIsaʻaka, kona makua kāne, ʻī maila iā ia, “Aia hoʻi, ma ka ʻāina momona kou noho ʻana, A ma kahi o ka hau o ka lani mai luna iho. I kāu pahi kaua e ola auaneʻi ʻoe, A e hoʻokauā aku ʻoe na kou kaikaina; A i ka manawa e loaʻa ai iā ʻoe ke aliʻi ʻana, A laila e haʻihaʻi iho ʻoe i kāna ʻauamo ma kou ʻāʻī.”

ʻĪ akula ʻo ʻEsau i kona makua kāne, “Hoʻokahi wale nō anei āu hoʻomaikaʻi ʻana, e kuʻu makua kāne? E hoʻomaikaʻi mai ʻoe iaʻu hoʻi, e kuʻu makua kāne.” Hoʻokiʻekiʻe aʻela ʻo ʻEsau i kona leo, a uē ihola.