Папулярныя біблейскія вершы з KA BUKE MUA A MOSE, I KAPA ʻIA KINOHI 32

Падзяліцца

ʻĪ maila kēlā, “ʻAʻole e hea hou ʻia kou inoa, ʻo Iakoba; akā, ʻo ʻIseraʻela; no ka mea, he ikaika kou i mua o ke Akua; a e lanakila hoʻi ʻoe ma luna o nā kānaka.”

ʻĪ maila kēlā, “E kuʻu aʻe ʻoe iaʻu; no ka mea, ke wehe maila ke alaula.” ʻĪ akula ʻo ia, “ʻAʻole au e kuʻu aku iā ʻoe, a hoʻomaikaʻi mai ʻoe iaʻu!”

ʻO Iakoba wale nō i koe; a hākōkō maila kekahi kanaka me ia, a wehe aʻela ke alaula o ke ao.

Kapa akula ʻo Iakoba i ka inoa o ia wahi ʻo Peniʻela; “No ka mea, ua ʻike iho nei au i ke Akua, he maka nō he maka, a ua mālama ʻia kuʻu ola.”

A ʻike ihola kēlā, ʻaʻole ia i lanakila ma luna ona, papaʻi maila ia i ka hena o kona ʻūhā, a ua kapeke aʻela ka huamoa o ko Iakoba ʻūhā, i kona hākōkō ʻana me ia.

Nīnau maila kēlā iā ia, “ʻO wai kou inoa?” ʻĪ akula ʻo ia, “ʻO Iakoba.”

Nīnau akula ʻo Iakoba, ʻī akula, “Ke noi aku nei au iā ʻoe, e haʻi mai ʻoe iaʻu i kou inoa.” ʻĪ maila kēlā, “He aha kāu i nīnau mai ai i koʻu inoa?” A hoʻomaikaʻi maila kēlā iā ia i laila.

“ʻAʻole au e pono no nā lokomaikaʻi a pau a me ka ʻoiaʻiʻo a pau āu i hōʻike mai ai, i kāu kauā nei; no ka mea, me kuʻu koʻokoʻo iho i hele mai ai au ma kēia kapa o Ioredane; a ua lilo nō wau ʻānō i ʻelua poʻe.

No ia mea, ʻaʻole e ʻai nā mamo a ʻIseraʻela i ke olonā i ʻeʻeke, ka mea ma ka ʻūhā, a hiki i kēia lā; no ka mea, papaʻi maila kēlā i ka hena o ko Iakoba ʻūhā ma ke olonā i ʻeʻeke.

ʻĪ akula ʻo Iakoba, “E ke Akua o kuʻu kupuna kāne ʻo ʻAberahama, ke Akua o kuʻu makua kāne ʻo ʻIsaʻaka, e Iēhova, ka mea nāna i ʻōlelo mai iaʻu, ‘E hoʻi hou aku ʻoe i kou ʻāina, a i kou poʻe hoahānau, a e lokomaikaʻi aku nō au iā ʻoe,’

“Ke pule aku nei au iā ʻoe, e hoʻopakele aʻe ʻoe iaʻu mai ka lima aku o kuʻu kaikuaʻana, mai ka lima o ʻEsau; no ka mea, ke makaʻu nei au iā ia, o hele mai nei ʻo ia e pepehi mai iaʻu me ka makuahine a me nā kamaliʻi.