Папулярныя біблейскія вершы з KA ʻEUANELIO I KĀKAU ʻIA AI E LUKA 11

Падзяліцца

“No ia hoʻi, inā ʻoukou ka poʻe hewa i mākaukau i ka hāʻawi aku i nā makana maikaʻi i kā ʻoukou poʻe keiki; ʻaʻole anei e ʻoi nui aku ko ka Makua ma ka lani hāʻawi ʻana mai i ka ʻUhane Hemolele i ka poʻe e noi aku iā ia.”

“Ke ʻī aku nei hoʻi au iā ʻoukou, e noi, a e hāʻawi ʻia iā ʻoukou; e ʻimi, a e loaʻa iā ʻoukou; e kīkēkē, a e wehe ʻia iā ʻoukou.

“No ka mea, ʻo ka mea i noi, ua hāʻawi ʻia nō iā ia; a ʻo ka mea i ʻimi, ua loaʻa nō iā ia; a ʻo ka mea kīkēkē, e wehe ʻia nō iā ia.

ʻĪ maila ʻo ia iā lākou, “I ka wā e pule ai ʻoukou, e ʻōlelo: ‘E ko mākou Makua i loko o ka lani, e hoʻāno ʻia aku kou inoa; E hiki mai kou aupuni; E mālama ʻia hoʻi kou makemake, E like me ia ma ka lani, pēlā hoʻi ma ka honua nei.

‘A e kala mai ʻoe i nā hewa o mākou; No ka mea, ke kala nei mākou i ka poʻe hana hewa mai iā mākou; Mai hoʻokuʻu hoʻi iā mākou i ka hoʻowalewale ʻia mai; Akā, e hoʻopakele aʻe iā mākou i ka ʻino.’”

‘E hāʻawi mai ʻoe iā mākou, i kēlā lā i kēia lā, i ka ʻai no ka lā, na mākou.

“ʻO ke kukui o ke kino, ʻo ka maka ia; a i maikaʻi hoʻi kou maka, ua mālamalama kou kino a pau; a i ʻino kou maka, a laila ua pouli kou kino.

¶ “ʻAʻole mea i kuni i ke kukui a waiho iho ma kahi nalo, ʻaʻole hoʻi ma lalo aʻe o ke poʻi; akā, ma kahi e kau ai ke kukui, i ʻike ai i ka mālamalama ka poʻe i komo i loko.