Папулярныя біблейскія вершы з KA ʻEUANELIO I KĀKAU ʻIA AI E LUKA 5

Падзяліцца

A pau kāna ʻōlelo ʻana mai, ʻī aʻela ʻo ia iā Simona, “E neʻeneʻe aku i kahi hohonu, a e kuʻu iho i kā ʻoukou mau ʻupena i hoʻokahi hei ʻana.”

A ʻōlelo aku ʻo Simona, ʻī akula iā ia, “E ke Kumu, ua hana mākou i ka pō nei a ao, ʻaʻohe mea i loaʻa; akā, no kāu ʻōlelo, e kuʻu iho au i ka ʻupena.” Hana ihola hoʻi lākou pēlā, puni ihola ka iʻa he nui loa, a nahae aʻela kā lākou ʻupena.

Hele akula ia i nā wahi mehameha, a pule ihola.

“ʻAʻole ka poʻe pono kaʻu i hele mai nei e aʻo aku; akā, ʻo ka poʻe hewa e mihi.”

A ʻike aʻela ʻo Simona Petero, a laila moe ihola ia ma nā kuli o Iesū, ʻī akula, “E hele aku ʻoe mai oʻu aku nei, e ka Haku; no ka mea, he kanaka hewa wau!”

ʻŌlelo maila ʻo Iesū iā lākou, ʻī maila, “ʻAʻole no ka poʻe ola ke kahuna lapaʻau e pono ai; akā, no ka poʻe maʻi nō ia.

A hoʻopae lākou ia mau moku i uka, haʻalele akula lākou i nā mea a pau, a hahai iā ia.

¶ Eia kekahi, iā ia e noho ana ma loko o kekahi o ia mau kūlanakauhale, aia hoʻi, he kanaka paʻapū i ka lēpera; a ʻike ʻo ia iā Iesū, moe ihola ia i lalo ke alo, nonoi akula iā ia, ʻī akula, “E ka Haku, inā makemake ʻoe, e hiki nō iā ʻoe ke hoʻomaʻemaʻe iaʻu.” Kīkoʻo maila ko Iesū lima, hoʻopā ihola iā ia, ʻī maila, “Makemake au, e hoʻomaʻemaʻe ʻia hoʻi ʻoe.” Haʻalele koke nō hoʻi ka maʻi lēpera iā ia.

Kukuʻi loa aʻela kona kaulana, a lulumi maila nā ʻaha kanaka nui, e lohe iā ia, a e hoʻōla ʻia e ia ko lākou nāwaliwali.