Папулярныя біблейскія вершы з KA ʻEUANELIO I KĀKAU ʻIA AI E LUKA 9

Падзяліцца

ʻŌlelo mai ʻo ia i nā mea a pau, “Inā e makemake kekahi e hele mai ma muli oʻu, e hōʻole iho ʻo ia iā ia iho, e hāpai hoʻi i kona keʻa i kēlā lā i kēia lā, a e hahai mai iaʻu.

“No ka mea, ʻo ka mea e makemake e mālama i kona ola nei, e lilo nō kona ola; akā, ʻo ka mea e lilo kona ola noʻu, e mālama ʻo ia i kona ola.

ʻĪ maila ʻo Iesū iā ia, “ʻO ke kanaka i lālau kona lima i ka ʻōʻō palau, a nānā aku i hope, ʻaʻole ia e pono no ke aupuni o ke Akua.”

“No ka mea, he aha ka pōmaikaʻi o ke kanaka ke lilo mai iā ia kēia ao a pau, a lilo aku ʻo ia iho, a e kiola ʻia aku paha ia?

“No ka mea, ʻo ka mea e hilahila mai iaʻu, a i kaʻu mau ʻōlelo, ʻo ia kā ke Keiki a ke Kanaka e hilahila ai, i kona wā e hiki mai ai me kona nani, a me ko ka Makua, a me ko ka poʻe ʻānela hemolele.

ʻĪ maila ʻo Iesū iā ia, “He mau lua ko nā ʻalopeke, he mau pūnana ko nā manu o ka lewa; akā, ʻo ke Keiki a ke Kanaka, ʻaʻole ona wahi e hoʻomoe ai i kona poʻo.”

a ʻōlelo maila iā lākou, “ʻO ka mea e mālama i kēia keiki no koʻu inoa, ʻo ia ke mālama mai iaʻu; a ʻo ka mea e mālama mai iaʻu, ʻo ia ke mālama i ka Mea nāna au i hoʻouna mai; no ka mea, ʻo ka mea ʻuʻuku loa i waena o ʻoukou a pau loa, ʻo ia ke ʻoi aku ana.”