Папулярныя біблейскія вершы з KA ʻEUANELIO I KĀKAU ʻIA AI E MAREKO 12

Падзяліцца

ʻĪ maila Iesū iā ia, “Eia ke kānāwai nui o nā kānāwai a pau, ‘«E hoʻolohe mai, e kā ʻIseraʻela! ʻO Iēhova, ʻo ko kākou Akua, ʻo ka Haku hoʻokahi nō ia; e aloha ʻoe iā Iēhova i kou Akua, me kou naʻau a pau, a me kou ʻuhane a pau, a me kou manaʻo a pau, a me kou ikaika a pau; ʻo ia ke kānāwai i ʻoi».’ “A ua like nō hoʻi ka lua me ia, ‘«E aloha ʻoe i kou hoalauna me kou aloha iā ʻoe iho».’ ʻAʻole kānāwai ʻē aʻe i ʻoi ma mua o kēia mau kānāwai.”

A laila, kāhea maila i kāna poʻe haumāna, ʻī maila iā lākou, “He ʻoiaʻiʻo kaʻu e ʻōlelo aku nei iā ʻoukou, ʻo kēia wahine kāne make hune, ua ʻoi aku kāna mea i hoʻolei iho ai, ma mua o ko lākou a pau, ka poʻe i hoʻolei iho i loko o ka waihona kālā; no ka mea, hoʻolei iho lākou a pau, no loko o kā lākou waiwai nui; akā, ʻo ia, ma kona hune, ua hoʻolei mai ia i kona mea a pau, i kona mea ola a pau hoʻi.”

¶ Noho ihola Iesū ma ke alo o ka waihona kālā, a nānā aʻela i kānaka e hoʻolei ana i ke kālā i loko o ka waihona kālā; a nui loa ihola nā mea waiwai i hoʻolei nui mai. Hele maila kekahi wahine kāne make hune, hoʻolei maila ia i ʻelua lepeta, a ʻo lāua pū, hoʻokahi ia keneta.

“A ʻo ke aloha aku iā ia me ka naʻau a pau, a me ka manaʻo a pau, a me ka ʻuhane a pau, a me ka ikaika a pau, a ʻo ke aloha aku i ka hoalauna, e like me kona aloha iā ia iho», ua ʻoi nō kēia mau mea ma mua o nā mōhai kuni, a me nā mea mōhai a pau loa.”

ʻŌlelo akula Iesū, ʻī akula iā lākou, “E hāʻawi aku i kā Kaisara iā Kaisara, a i kā ke Akua hoʻi i ke Akua.” Pili pū ihola lākou iā ia.