Папулярныя біблейскія вершы з KA ʻEUANELIO I KĀKAU ʻIA AI E MAREKO 16

Падзяліцца

ʻĪ maila ʻo ia iā lākou, “E hele aku ʻoukou i nā ʻāina a pau, e haʻi aku i ka ʻeuanelio i nā kānaka a pau.

“Eia nō nā ʻōuli kupanaha e pili pū aku i ka poʻe e manaʻoʻiʻo mai iaʻu: Ma koʻu inoa lākou e mahiki aku ai i nā daimonio, a e ʻōlelo nō hoʻi lākou ma nā ʻōlelo ʻano ʻē. “E kaʻikaʻi nō lākou i nā nahesa; a inā inu lākou i ka mea make, ʻaʻole lākou e pōʻino ia mea; a e kau nō lākou i ko lākou lima ma luna o ka poʻe maʻi, a e ola lākou.”

“ʻO ka mea e manaʻoʻiʻo mai, a bapetizo ʻia, e hoʻōla ʻia ʻo ia; akā, ʻo ka mea manaʻoʻiʻo ʻole mai, e hoʻohewa ʻia ʻo ia.

Hele aʻe lākou, a aʻo akula ma nā wahi a pau; hana pū maila nō hoʻi ka Haku me lākou, e hōʻoiaʻiʻo ana i ka ʻōlelo, me nā hana mana e pili ana. ʻĀmene.

ʻŌlelo maila ʻo ia iā lākou, “Mai makaʻu ʻoukou; ke ʻimi nei ʻoukou iā Iesū no Nazareta, i ka mea i kaulia ma ke keʻa; ua ala mai ia, ʻaʻole ʻo ia ma ʻaneʻi; e nānā ʻoukou i kahi a lākou i waiho ai iā ia.

Nānā akula lākou, ʻike ihola ua ʻolokaʻa ʻē ʻia aku ka pōhaku; no ka mea, he pōhaku nui loa ia. I ko lākou komo ʻana i loko o ka hale kupapaʻu, ʻike akula lākou i kekahi kanaka ʻōpiopio, e noho ana ma ka ʻaoʻao ʻākau, ua ʻaʻahu ʻia i ke kapa lōʻihi keʻokeʻo; a makaʻu ihola lākou.