Папулярныя біблейскія вершы з Dw 6

Падзяліцца

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Gyisɛse zele bɛ kɛ, “Gyima mɔɔ Nyamenle kpondɛ kɛ bɛyɛ la a le kɛ bɛkɛlie mɔɔ ɔzoanle ye la bɛkɛli.”

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Awie biala ɛnrɛhola ɛnrɛra me nwo, kyesɛ Selɛ ne mɔɔ zoanle me la twe ye bɛlɛ me; na mebadwazo ye meara ngoane nu wɔ mekɛ ne mɔɔ li awieleɛ la.

Ɔluakɛ aleɛ ne mɔɔ Nyamenle fa maa bɛ la a le sonla ne mɔɔ vi anwuma ɛdwu aze na ɔmaa ewiade amra ngoane mɔɔ ɛnlɛ awieleɛ la.”

Mame a mele ngoane kpanwo ne a.

Gyisɛse vale kpanwo ne, ɔyɛle Nyamenle mo, na ɔhyɛle ɔmanle menli ne mɔ. Ɔvale fɛlɛ ne na ɔyɛle zɔhane ala, na awie biala nyianle bie lile manle ɔ ko yile. Mɔɔ awie biala ako yile la, Gyisɛse zele ye ɛdoavolɛma ne mɔ kɛ, “Bɛsesa ɔ bo zo ne mɔɔ ɛha la, bɛmmamaa yɛsɛkye ye.”

Ɛdoavolɛma ne hanle ɛlɛne ne hɔle kilomita kɛyɛ nnu anzɛɛ nsia la yɛɛ bɛnwunle kɛ Gyisɛse ɛlɛtia azule ne anye ara ɛlɛne ne anwo a. Bɛ ahonle dule kpole na Gyisɛse zele bɛ kɛ, “Bɛmmasulo, na medame ɔ!”