Папулярныя біблейскія вершы з EVASELIO A LUKA 13

Падзяліцца

Koutou faiga ke kotou ulu i te matapa lau veliveli. Koteuhi e au ui atu kia koutou, e kaugamalie natou e faiga anai ke hu i ai, pea e mole natou fealagia anai.

Pea koeni, nee i ai he fafine ae nee ulu sino ai he laumalie kovi ae nee ina fakamahaki ia ia talu maia tau e hogofulu ma valu; nee tua piko ia ia, pea nee mole feala ke toe tuu fakahagatonu ia. I te sio a Sesu ki te fafine, nee ina paui leva ia, o ui kia te ia: Fafine kua fakamauli ia koe i tou maimoa.

Pea nee ina hili leva ona nima ki te fafine. I te temi pe aena nee tuu fakahagatonu ake leva te fafine, o fakafetai ki te Atua.

Pea koeni, e i ai anai ni fakamuli e liliu anai ko ni uluaki, pea mo ni uluaki e liliu anai ko ni fakamuli.

Ka tuu anai te pule o te fale, o mapunui te matapa, pea ko koutou, ae e tutuu anai i fafo, e fisifisi anai i te matapa, o ui: Aliki, Aliki, avahi mai kia matou! E ina tali atu anai kia koutou: E mole au iloi pe ko koutou mai fea!

E au ui atu kia koutou, kailoa. Kae kapau e mole kotou fakahemala o fetogi akotou aga, pea e kotou mamate fuli anai o hage ko natou aena.

Pea e ina tali anai: E au ui atu kia koutou, e mole au iloi pe ko koutou mai fea; kotou fakamamao atu ia au, koutou fuli, kau gaue o te agahala.

Nee toe ui leva e Sesu: Pe e hage kotea te puleaga o te Atua, pea e au fakatata feafeai ia? E tatau te puleaga o te Atua mo he foi tegai sinapi nee too e he tagata o li ki tana oloto; e homo ia, o liliu ko he fuu akau lahi, pea e nonofo te u manulele o te lagi i ona vaa.