Папулярныя біблейскія вершы з ɛMacu 7

Падзяліцца

“Phom ɛn, yaa ne nang nyini, tɔk ɛn, aa ne sɛ ɛn, kyinak ɛn ɛnu ne izuk ka ɛ yel-le ɛn, ya ne phaal nyini nɛ.

Daa ɛli ne ɛhiha ɛnyi ne ɛ kɛ phom mo, yaa nang ɛbhɛ, ɛhaa ne ɛ tɔk ɛɛ ne sɛ, ɛhaa ne ɛ kɛ ne kyinak ɛnu ne izuk ka ɛ yel-le wo, yaa ne phaal ɛbhɛ nɛ.

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

iPhɛ ɛlɛy, mɔn ɛn ninyi na ɛkɔn na ne ɛ sim te sɛ mɔn nyini nɛ, ɛlɛy ne iMɛmɛ ɛMuusaa da nɛ ninabawa na bol.

ɛNu ne izuk ne iken na ne ji so nggbyak, ɛnkiinɛ yɛ ne ta bok nggbang, ninaa ne roos sɛ ne so ncɛt.

“Roos ɛn ɛnu ne izuk ɛnggbyak ka ɛ lel ɛn, daa ɛli ne ɛnu izuk ne ijwee ne igboo gha so halasa, ɛnkiinɛ yɛ ne ta so phyongka, ninaa ne roos sɛ ne so gbom.

Wu nyinɛn no ne ɛ so ɛn nibebhe ninyi na ɛ yɛɛ ɛn ɛli ne aa nang ɛn ninɔn mon na nikɔn niyɛnɛng nga, ne yang ji so ɛKyɛɛ ɛdaa ne irywa gha ɛbhɛ aa ne ji sang nang ninyi na nikɔn niyɛnɛng nga nɛ nibhɛ kɛ roo ɛbhɛ woo?

“Sɔng ɛ hyɛ ɛn nigwaa mon na ɛshara gha nang, yaa ma yung hyɛ nyini nɛ. Daa ɛli ne ɛTaanggbey ya sɛ bhɛ hyɛ yɛ ɛshara gha ɛli ne ɛ kɛ hyɛ ɛbyin ninyi nɛ wo, ɛgyuuru gha ne ɛ kɛ nang ngo, ɛbhɛ ne sɛ ne nang ngɛ nɛ.

“ɛHiha ɛnyi ne ɛ kɛ ne tenes ivol lɛdaa wo ɛ sang mɔn ɛtomɛ ne ifɛ, ne ɛ so te ɛwamang ɛnyi ne ɛ kɛ lɔl ijwee ɛbhɛ wo ne imumu.

“iKyee phɛ kɛ te ɛ yaang ɛnkɔlɔng ngo ne ɛbhɛ so ndɔ ne irisɛ ɛgwaa mo de, ɛ ji sang yaang ngguk ne ihon de ne iphɛ so ndɔ ne irisɛ mo dee? Hang aa mɔn ɛlii ɛ yaak ɛgwaa mo gha, ‘ɛGwaa shɛɛ yak te n tul lɛ ɛnkɔlɔng ngo ne ɛbhɛ so ndɔ ne irisɛ mo de, ɛlɛy ɛ bok ngguk ne ihon de ndɔ ne idee mo dee?’

“Wɛɛ ɛn nyini yɛnɛng ɛlɔ ninabawa ne irywɛɛk ka. Nibhɛ yɛɛset ɛlɔ mon na te ntsabhak, ɛlɛy ndɔ nibhɛ, nibhɛ ne so tɛ nibabu ne izaram nɛ nibhɛ. ˆƐ sɛ seng ɛn nibhɛ daa ne ihywee nitomɛ nibhɛ. Ninyi na kɛ ku bon ikpam ɛnap ba daa ɛhon ne itsutsɔ bɛ? Hang kɛ ku bon ikpam ɛpharang ngga ɛjejen ne?

ɛHon ɛyɛnɛng nga i yɛk ikpam iywɛnɛng, ɛhon ɛbebhe gha ne yɛk ikpam ivebhe.

Sɔng ɛhon ɛyɛnɛng sɛ yɛk ikpam ivebhe nang, sɔng ɛhon ɛbebhe gha sɛ ne ma ta yɛk ikpam iywɛnɛng.

ɛHiha ɛhon ne hame ɛ yaak ikpam iywɛnɛng ngga, yaa ne tɛmɛ ɛbhɛ i cwaak ndɔ ne igboo.