Папулярныя біблейскія вершы з Matt. 6

Падзяліцца

Ikemu Alhou kükaphu eno pa chipiumikucho paghi phululo, eno thime hipaqo kümtsü nongu küphatsü nani ke.

Tighenguno thoghiu vehu pesü amlosa kevilo, kughengu thoghiu no thoghiu tsalà ghenguno amlo sakepu anani ke. Atsala-atsala lo amlo küsapu akeu no tipau tsalà ghenguno lukümkha ke.”

“Tighenguno I no nongu vilo pìní, nongu küxü lo chu kepu ghenguno amlosa kevilo; momu nongu phimpi lo pepumini nikeu ghenguno amlosa kevilo. Aküxü ye achuqupu nguno akhotou ke kumo keshea, eno aphimpi ye tiphimini nguno akhotou ke kumo keshea?

Ikemu kughou nongu no akighini shini keno, nongu chebo lo ilo no ahukikha khavelo eno nongu Papù khuu ithulu chemo keno pa vilo inikhulo. Tishiaye nongu Papù khuu nongu no tuqhou no kiu mülà acheni keno ithulu akeu hu no qesaxu nongu tsü nani.

“Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo, O yekipe ighilo, kungugha lo toi ayeghi lo ghí O pulou shilu pelo.

Tsalakipe chuqupu ishí tsalà lo ningu tsülo.

Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

Kughengu timi kütami no nongu lau axiné shive kelo, nongu no panongu kipimí qhivetsü aye, nongu Papù kungugha lo küau ghí nongu kipimí qhivetsü nani.

Atsütsǘ lo aghauqo pishipuku julo; panongu ye kiumu yisü chemo momu ghile hu chemo momu ale lo kiumu pekütsü pe qhi chemoe. Tishiaghi pinamu nongu Papù kungugha lo akeu no panoqo lojí acheni. Nongu ye tipaqo nguno alau akughupu ke kumo keshea?

“Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni. Ikemu nongu likhi nongu sala kungugha lo akiní pekütsü lo, tilehi ye amila ngò ayisa no tsapühave müla, eno küpkami no hepho ilo püka müla nani ke. Kughengu nongu kiní khilehi ani keno nongu mlo ghí tilehi anani ke.

“Timi khumu ampeu kini qüaxemi shimlae. No ye lakhi mithive no lakhiu kimiye nani, momu no ye lakhi qhoqhü püzü lakhiu phimo nani. No ye Alhou eno küakini küma kinikujo qüaxeu ye shimlae.

Nongu aküpülü miqemilei kemiqo! Aluqa lo ishí ye xüa püzü thoghiu ye ami lo vesüve niye akeu axamunuqo kutólo ghí Alhou no tucho-mjo aye, pa ye tinguno alau nongu tuchomoni keshea?

Ikemu kughou nongu no aveküsamiqo kuphuni keno, O u ajeu no kiu tsü ani keno O u piyiu pelo ithi pe kevilo, tishianguno nono tsü akeu ye tuqhou shilu nani ke. Tishi keu vechewo nongu Papù khuu nongu no tuqhou no kiu mülà acheni keno ithulu akeu hu no asaxu nongu tsü nani.

“O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae. Ikemu kughou nongu no kümvü nike no thazü pesü O kütsü lo sǘvelo eno O gi phavelo, tishianguno timi kütami zülo nongu ye kümvü ani ipikeu ithi pemo nani ke, ikemu nongu Papù khuu ithulu chemo keno eno nongu Papù khuu nongu no tuqhou no mülà akeu ithulu acheni keno, pa no qesaxu nongu tsü nani.