Папулярныя біблейскія вершы з Lúcas 17

Падзяліцца

Jecute Jesús chojningame jnani tuté: –Ãriji ga ayague. Ga bope uje yimóngo banguretígadatéi ome yu ga jé tiógara ome báringai piquetaque.

Ujetiga bajõrai ate gajnarétigo gare iji ti ome ua iji diri chojmarárique mu uté gosi chojningame ua, "Jé yiya yate gajnaréngone." Enga be ga acadígui ate gajnaréngone gatuaque.

Uje ore chimo uje Jesús chiqueta ore jnese ga uñeque chajniápo aja Jesús gai rĩ. Ga uté tijapísa aja daquigode uje chejnapúsu dabijnane. Enga chisápo Jesús rĩ. Ga chichaga dagataidie iji Jesús iquei enga chacãripise gai uje chiqueta que. Mu jnani tuté que judíode jõra to go mu samáriagosode jõra.

Jecute ajusópise uaqueo. Ujetiga bojórique Dupade anguresõre pésu cucha gajnarétique ome ua, mu bo ga o uté gosi quique. Mu ujetiga uté gosi ajéo ga chécãre datígo ome ua ga, jĩrique aya bájningai ome.

Jecute Jesús chojningame: –¿Ga jé ca yiquetade ayoré ejnáño yijmanáyone que a? ¿Bajõráringo jé ore déji rique a, udore uje a gagájni ore iji ti?

Mu yocangaráni Jesús chojningame ore: –Ujetiga atíãpe uacanguretigátique múñi, ujetiga gajnua tu cucha ajñu atíãtaque uje i tu mostáza, mu a jé cuchárique tṍraji. Ga a uacarúrigo tocaderase ga a ojnichórasa ome pore cucháberaque: "Be ga écãre bajogatíguiji de, ga jé ayábiji yote quedéjnai ajei." Ga a uaté dorási uacuñeque urúrigo quitígo.

Mu uté gosi ujetiga cájnaru re ome cuchade ga ca toc ujetiga Dupade chiqueta uté gosi jne. Mu jé basa uté gosi uje que cájnaru re ome cuchárique ga a Dupade iquetai tu uté gosi jne.

Jesús qué cho dacadigode ore quique ome pipesute gajnarétigo atígo yui. Ga chósi tome ore: –A jecucha ga cucha gajnarétigo déji erámi jne ujetiga pésu uacajuredie ome uacapotiguérigo jne. Mu yirajágo uje Dupade ujuyaquei gajnengórone a udore u jne uje ore acadique dojode ayoré ome pate gajnaréngone.– Mu chojninga: –Cucha ueradi tu ujetiga pigarique uté gosi ome cucarané cucháberaque aja etabi. Ga paranája yote quedéjnai. Uje Dupade ujuyaquei a ca chajire re ome uté gosi jne uje uté gosi chacadósi disi parátagabode ome pisijnaringuéone adode gu.

A yiji ome uaque jne. Mu a chise dínique jne ujetiga yĩriápo rĩ. Ga a yiríringai yui gajnui ta u jnani bajai Noé ore urasade. Uje Noé urasade ore isocai u nanique uje ore áyipiedie gaidode upúsu daquetangóningo cucha ome raque nanique. Uñane ore áyipiedie gaidode u dabosode. Jeque uñane áyipiedie gaidode u dajódode cucha. Jé basa uñane ore áyipie qui tu darodie ujeta ore chijna ore aja ore amaníngo. Mu chise diri uje Noé e ore chacája dabi cuco cuchape. Enga uje ore chimate rágaja ajei ga jé u uje gue dequejnangóri diringai tu ome ore ujeta chejna ore ga ore toi jnese.