Папулярныя біблейскія вершы з Ɖúù 12

Падзяліцца

Ké ɓě mɔ̀ùn mɛ nì ɓɛ́ɖɛ́ kɔ̃, sepóɛɖé mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ mu dyiìn ti ɓɛ́ ɓě se ní jè hwìɖǐi dèɛ̌ muɛ.”

Kɛɛ ɖɛ mɛ kpɔ̃ ɓě hwòɖǒɛɛ mɛ mɔ̀ Gèɖèpɔ́ɔ̀ kã́á-ɓòɖòɔ̀, ké ɔ mu ɓě ɖɛ ɓě nìà kɛ nyíìn.

Ké Jízɛ̀ cɛ̃ɛ ma nyɔ ɓěɔ̀ gbo, ké ɔ ɖá, “Ɓě mɛ ma mú ɓó ɖɛ séín mɔ́ jè, sepóɛɖé nyɔ ɖòɛ̀ fɛ̀ɛ̀ jɛ́ɛ́ se ɖɛ jĩ̀ kà ɓɛ́ ɔ ɓéɖéɛɛ dyí ɓá.”

Sepóɛɖé ɓěɛ̀ hwòɖǒ mu dɛ̀ ɓɛ́ ɓěɛ̀ bã-ɖɛ̀ ɓě nìɛɛ nììn tee.

Ké ɓěɛ̀ nyɛ́ ɓɛ́ìn ɓěɛ̀ fɛ̀ɛ̀ɔ̀ wé dyúáɖò kɔ̃in poɛ dyììn ɖé ɓěɛ̀ fɛ̀ɛ̀ɔ̀ jè hwìɖǐi-poìn-poìn mú kɛ́?

Ɔ jèɛɛ, Jízɛ̀ cɛ̃ɛ ma ɔ ɖeín-nà-nyɔ̀ ɓěɔ̀ gbo, ké ɔ ɖá, “Ɓěǐn ɖá ɓɛ́ ɓě ké ɖii-ɖɛ̀ ɓɛ́ ɓě ké ɖi, ɓɛ́ ɔ ké nyu ɓɛ́ ɓě ké cĩ́ɛɛ jè hwòɖǒ dyií gbǎìn. Ké ɓěǐn ɖá ɓɛ́ ɓě ké ɖɔ ɓɛ́ ɓě ké mú poɛɛ jè hwòɖǒ dyií gbǎìn.

Ɔ dyi ɓě mɔ̀ùn jè jǔ ní, Gèɖèpɔ́ɔ̀ ɖǎ mí-wɔ́ɖɔ́ séín nì ɓě dúɛɛ zɛɖɛ nyɛ̀nɛ̀ɛ̀. Ɔ jèɛɛ, ɓěǐn ɖá ɓɛ́ ɓě ké fɛ̃̀ìn. Ɓě kpa ɖɛ mìɔ ké ɓě zi dyùǐ-dyù kúɖúú dyí.

“Ní ɓáɖáá xwéɖé wè, ɓěǐn ɖá ɓɛ́ ɓě ké fɛ̃̀ìn, sepóɛɖé ɓě Ɓǎɔ̀ hwòɖǒ dè dyi, ɓɛ́ ɔ ké ɓě kã́á-ɓòɖòɔ̀ nyí.

Ɓě poìn hwĩ́ín-hwã ɓěɔ̀ jè hwìɖǐi. Wa ní ɓá ɖɛ, ké wa ní poìn ɖii-ɖɛ̀ dyí. Wa ní dè ɖɛ dyi ɖé ɖɛ-dyi-dèìn-naín mɔɔ ɖé sáɖáún. Kɛɛ Gèɖèpɔ́ɔ̀ nyí wa ɖii-ɖɛ̀. Ɓě kpa ɖɛ mìɔ ké ɓě zi naà ɓě dyí.

“Ɔ jèɛɛ, ɓě ní ɖá ɓɛ́ ɓě ké hwìɖǐi poìn ɓó ɖɛ ɓě ké ɖiɛ, mɔɔ ɓó ɖɛ ɓě ké náa jè.

Gèɖèpɔ́ɔ̀ mɔ̀ nyɔ poà pìǐɔ̀ ɖɔún wɛ̃̀. Ké pìǐɔ̀ nì ɖé xwáɖá xwíɖíi ɓó zɛ̃̌ɛ̀, kɛɛ ɔ ɖá ɔ kéá gàɖàà nyu ní, wa ɖǎ ɔ dyéɖé po. Ɔ jǔ ké Gèɖèpɔ́ɔ̀ dyi wa mɔ̀ùn ɖɔ nyí ní, ɔ se ɓě mɔ̀ùn ɖɔ nyíɛ mu mìɔ cáà? Ɓěɛ̀ hwìɖǐǐ-taɓa-taɓaɔ̀ ɓíè dyí mìɔ cá wà!

Ɖɛ séín ɓě ɓɛ́ wa ɓáìn ɖɛ kɔ̃in nyɛɛ, wa mu ɖɛ kɔ̃in sɔ̀ùn, ké vǐè-ɖɛ̀ séín ɓěɔ̀ mu píé wóɖóùn.