Папулярныя біблейскія вершы з YOHANES 15

Падзяліцца

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

Paasidutua'e uaaukka ringang-Ku wuṛṛu i Ya'u lai mangke sidutu ringanni yamiu. Ranna sassane tawe mabua, tabene'e i tou sidutu uaammullu punene. Aroddi lai yamiu tumba'u wotongnge mabua, amungkangngu sidutu su sambau ringang-Ku.

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

Taumata apan lembo mandangngu manga hawene eteudde taumata apan mangngonggolu wiakke si mangitou.

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

Indite parenta-U; pandangngute sangkatou ringannu waine, ere lai Ya'u mandangngu si yamiu.

Amungkangngu i yamiu mabua manambo, Iamang-Ku wantuhanna; wuṛṛu ringannu aroddi yamiu atonna-tonna maola'a mallal᷊aṛṛenggeng-Ku.

Mawu Yesus nabbisara apia, “I Ya'u punnu anggore apan tutune, wuṛṛu Iamang-Ku mabbawaille.

Taumata apan maddiri uaaukka ringang-Ku, sarun iramme ere ranna, ana see maṛṛangute. Manga ranna ereudde sarun iammulla wuṛṛu iramme su putungnga, see tutunganna.

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

Ete indi parenta-U si yamiu: Padarangngute sangkatou ringannu sangkatou.”

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.