Папулярныя біблейскія вершы з เกาตีนา 8

Падзяліцца

เยโฮวา เม็จ งกอด ‍ นำ ก็ ปอใจ ‍ นำ ก็ กึด ใน ใจ ออ ฮุนเน “เจ็นเน นโดน เอิญ ไอ งกิ มเบิล ครำ มเบิล ซัด ระ ซุด แอ็ม ฮุน ลบ เน เตาะ ‍ อัห กึด แอง ไอ มี เลาะ เจ็น แย็ด จำ แกะ ก็ ตึก ‍ เอิญ ไอ งกิ จม แจง โลก แพนซิก เน วัล เตาะ ‍ ไอ งกิ เอิญ แอง นอก ทวม โลก ฮุน ลบ เน วัล เตาะ ‍ กัน ควะ มี โลก แพนซิก เน อุ เอิญ ก็ ระ มี นวจ แซ็ด แซ เกียว ซา ‍ มี นาเคด นาฮอน นาแลง นาเมียะ มี งิ มี แจ็ล ‍ จู มบลึ ก็ เป็น มอก เน จำ นเดย จำ กวา นโดน” เอาซาง อัง

แลว โนอา จูล เจ็น เฮือ แลว ‍ นำ ก็ แอง ตี ทวาย ซะ อน ตัก เยโฮวา ‍ ซัด เคิบ เซ็ม ตี ทวาย อน ตัก เยโฮวา กุญ ‍ นำ ก็ เอิด มี นัง มี มบลึ ‍ นำ มเบิล เคิม แอ็ม มด ตึง นัง ทวาย อน ตัก เยโฮวา ‍

อุ เจ็นนัน วัล ‍ เอาซาง ก็ กึด เลือง แป โนอา เคิบ ปึง ซัด จู มบลึ ตัก อุ เลิม เคิบ นำ ใน เฮือ นัน ‍ เอาซาง ก็ แอง ระ เล็ห งกริม นทูด โตะ ‍ นอก เจ็น เซ็บ ก็ ไอ มี โตะ เตาะ ‍ มพุง นอก ตัก วาง นทึห ก็ ฮัด แอ็ม ‍ เมียะ ก็ งเกิด แอ็ม ‍ นอก ก็ เคริบ ออจ ติกๆ ‍

เย็ห ก็ พาล เริล ออ ‍ แจ็ล เย็ห ก็ ลบ วัล โตะ ตัก เฮือ ‍ แต ลบ เน เย็ห กาบ ซับ นทู แพะ ค็อก แต็จๆ ตัก โนอา ‍ โนอา ก็ เคาใจ ออจ นอก แลว ซีเละ ‍