Папулярныя біблейскія вершы з ลูกา 5

Падзяліцца

แลว เยซู นเจ็น อัห แลว ‍ นำ ก็ ไล ซีโมน คือเน “แป ทอย เฮือ ซับ ตัก นอก จุๆ โตน นัน ดาย ‍ แป ซิห อวน เอิด คา ตัก นัน” นำ อัง

ซีโมน ก็ ซวัล นำ คือเน “อาจาน ‍ อิห และ คา มด แจ็ล เคิน แลว ‍ ไอ มี อิห กุญ ซีวะ ซัก มี นัง ‍ แต กัน มัห ไล อิห ลอง ซิห อ็อญ วัล ‍ อิห ก็ ลอง ซิห อ็อญ นอ” ซีโมน อัง เจ็นนัน อัห ก็ ซับ เฮือ เริล ตัก นอก จุๆ นัน ‍ อัห ก็ ลาก อวน ตัก นัน ‍ แคระ คา ดก ซีเละ ‍ แร็ง ดก แคระ คา ‍ อวน ก็ บัก และ กิด แอ็ม ‍

แต ดก ลบ เยซู ปัด เริล ครอ วอน เอาซาง ตัก ซะร็อห ทึห ‍ ตัก ตี ไอ มี ครำ นัน ‍

เอิญ ไล แป นังเลาะ นะ ‍ แป กึด เค็ย นัง ออ เลาะ นอ ‍ แป กึด เค็ย ครำ เก็บ พาซี เน เจอะ ‍ แต เอิญ โตะ ใน โลก เน ‍ เอิญ ไอ มี จบ โตะ และ ครำ เลาะ ‍ แต เอิญ โตะ และ ครำ ลุห ครำ เพอะ ‍ ระ อัห เอิด ใจ แมะ ฮัก” เยซู อัง เค็ย อัห

ซีโมน เปโตร เม็จ กุญ คา ดก ฮุนนัน ‍ นำ ก็ คุกโคล กราบ ไว เยซู ‍ นำ ไล เยซู ฮุนเน “อาจาน ‍ เอิญ เป็น ครำ ลุห ครำ บาบ ซีเละ ‍ อำ มัห ติ อุ เคิบ เอิญ เตาะ ‍ ครอ ระ มัห อุ เยอะๆ ซะ เจ็น เอิญ ดาย ‍ เอิญ ไอ มี ซมควน ติ อุ เคิบ มัห ซัง” นำ อัง ‍

เยซู เม็จ อัห โป ลูกนอง ออ คือนัน ‍ นำ ก็ มเบิด ไล อัห คือเน “ครำ เลาะใจ อุ ไอ มี ต็องกาน และ มอ เตาะ ‍ ครำ โซะ ซัง ต็องกาน และ มอ ‍

อัห ก็ ซับ เฮือ ตัก ซะร็อห ‍ อัห ก็ ลด พระ เฮือ พระ อวน มด จู มบลึ ลด เต็ก เยซู เริล

มี ลบ นัน ‍ เยซู ก็ เริล อุ ตัก งวัล มี งวัล วัล ‍ ก็ โตะ อัหคล็อง มี ล็อง นำ เป็น คีเฮือน มด ตึง นัง ‍ นำ เม็จ เยซู แลว ‍ นำ ก็ โตะ กราบ ไว เยซู ‍ นำ ครอ ระ เยซู จวย ออ “อาจาน ‍ ครอ ระ มัห จวย เอิญ ดาย ‍ กัน มัห ซีรอก แอง ระ เอิญ งาล คีเฮือน เน ‍ มัห ก็ แอง กุญ มด” ครำ คีเฮือน นัน อัง เยซู ก็ นจืน ที ‍ พระ ซิห ตัก เอา ล็อง นัน ‍ เยซู ก็ ไล นำ ฮุนเน “เอิญ จวย มัห ดาย ‍ มัห งาล คีเฮือน นทึห เตาะ” นำ อัง ‍ เอา นัน ก็ ลด เลาะ เล็ห ‍ งาล แอ็ม คีเฮือน มด ตึง นัง

เยซู ไอ มี ระ ล็อง นัน ไล อัหซอ ‍ แต เอา ล็อง นัน นำ ไอ มี ปัง เตาะ ‍ นำ ไล อัห ติกๆ ‍ เลือง เยซู แอง ครำ งาล โซะ ก็ แปร เริล ติกๆ ‍ ครำ พานเดย พากวา ก็ เลอะ เม็จ คาว เลือง เยซู มด ‍ อัห ก็ รูบ โตะ ปัง แญง นำ ‍ อัห ก็ รูบ โตะ รักซา โรก ออ ตัก นำ ดก มบลึ ‍