Папулярныя біблейскія вершы з CHƆN 11

Падзяліцца

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na. A sin, mɔ ɔ mɔ miin mbe fɔɛ chɛ ɔ, an sin kai faen mu n na, an mbe kuɔ fɔ fɔɛ ma sɔn‑da wan n na. I danden fan mu chɛ a?”

Chɛɛ Chisɔsi wɛɛ ɔ, “N na‑a a fɔ wan i ye, mbɛ ni i‑a i kai fa n na, e a ɔ yen‑da wan, Yataa ɛ kamaya koe miin ma.”

Mbɛ Chisɔsi ya yii yii‑a wuu.

Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

Samunɛ chɛ chɛenɛ gbakɔ Chisɔsi boo ɔ, mbɛ a‑a chee chɛ gbankon, a ɔ, “Dasayɔsi, bɔ nɛ.” Mbɛ Dasayɔsi bɔ‑a kamba chɛ gbu ɔ. A bɔ‑a kamba chɛ ɔ, fen gbɛ mendemendeenɛ ɛ a a. A chenɛ n ni ma e, a boo nu, ni a kunɛ gbɛɛ dondenɛ ni fen gbɛ chɛ ɔ. Mbɛ Chisɔsi ɔ an ma, a ɔ, “Wo kasanche chɛ gbɛɛ bɔ a ma, a ni ben ben.”

A fean bɔɛ ɔ to, koe chɛ nii ma Chisɔsi to ni. Mbɛ an‑na a fo kamba chɛ tena. Kamba ni a a, fanɛ ni, sen dɛnfɛ bunden ni min da a.

Chisɔsi‑a chɛ fɔ kɛn, mbɛ a yɛ‑a to, a ɔ, “Mmɔ dia nyɔɛ Dasayɔsi, chinɔɛ ben‑da a a. Chɛɛ n mbe ta tena wan, a sin, n mbe a a kunɛ‑a wan.”